Thursday, January 31, 2013

PMLn youth wing sargodha

سرگودھا (جاویدملک) مسلم لیگ ن یوتھ ونگ پنجاب کے صدر چوہدری شیر علی ( ایم این اے ) کے حکم پر قاضی توصیف اعوان کو صدر مسلم لیگ ن یوتھ ونگ سرگودہا ڈویژن کے منصب سے فوری ہٹا دیا گیا ہے اور ان کی جگہ ملک محمد علی ٹوانہ سیکرٹری انفارمیشن مسلم لیگ ن یوتھ ونگ پنجاب کو صدر مسلم لیگ ن یوتھ ونگ سرگودہا ڈویژن کا اضافی چارج دے دیا گیا ہے اور ساتھ ہی رائے شاہنواز کھرل صدر مسلم لیگ ن یوتھ ونگ سٹی سرگودہا کو جوائنٹ سیکرٹری مسلم لیگ ن یوتھ ونگ پنجاب جبکہ ملک حسنین عزیز اعوان کو ایڈیشنل سیکرٹری انفارمیشن مسلم لیگ ن یوتھ ونگ پنجاب کے عہدہ پر نامزد کر دیا گیا ہے ۔ واضح رہے کہ یہ احکامات کاشف رندھاوا جنرل سیکرٹری مسلم لیگ ن یوتھ ونگ پنجاب نے اپنے حالیہ دورہ سرگودہا کے موقع پر جاری کئے تھے۔

PTI sargodha

سرگودھا (جاویدملک) پاکستان تحریک انصاف سرگودھا کے رہنما رائے حافظ عبدالرحمن ساہی نے کہا ہے کہ عبوری حکومت کے قیام کے ساتھ ہی تحریک انصاف کو ملک بھر سے بھرپور عوامی پذیرائی ملے گی اور ملک بھر میں تحریک انصاف سب سے بڑی سیاسی قوت بن کر سامنے آئے گی ان خیالات کا اظہار انہوں نے سرگودھا پریس کلب میں پروگرام’’میٹ دی پریس‘‘ سے خطاب کرتے ہوئے کیا ۔ اس موقع پر صدر پریس کلب نعیم اختر خان نے سپاس نامہ پیش کیا اور جنرل سیکرٹری رانا ساجد اقبال نے معزز مہمان کو خوش آمدید کہا۔ میٹ دی پریس سے خطاب کرتے ہوئے رائے عبدالرحمن ساہی نے کہا کہ تحریک انصاف ایک شفاف انتخابی عمل سے گزر رہی ہے اور تحریک انصاف میں قیادت کا معیار پیسہ یا برادری نہیں بلکہ کام ہے اور تحریک انصاف کی قیادت ایک معمولی شخص کو بھی مل سکتی ہے اور یہ مثال کئی اضلاع میں قائم ہو چکی ہے انہوں نے کہا کہ عمران خان کا سیاسی کردار بے داغ ہے اور وہ ملک کو کرپشن سے پاک کرکے ایک مضبوط معاشی اور سیاسی قوت بنانا چاہتے ہیں تاکہ پاکستان دنیا کی اقوام کی صف میں عزت و قار کے ساتھ کھڑا ہو انہوں نے کہا کہ سرگودھا میں تحریک انصاف کے ٹکٹ میرٹ پر دےئے جائیں گے اور ایسی قیادت سامنے آئے گی جن پر عوام اعتماد کریں اور وہ ضلع کی ترقی کے لئے اپنا کردار ادا کر سکیں انہوں نے کہا کہ یہ بات ثابت ہو چکی ہے کہ ملک کی دونوں بڑی سیاسی پارٹیاں عوام کو بے وقوف بنا رہی ہیں اور دونوں نے وسیع پیمانے پر کرپشن کی اور ملک کی ترقی کے لئے کچھ نہیں کیا آج حالت یہ ہے کہ پاکستان معاشی طور پر تباہ اور پوری دنیا میں دہشت گردی کے نام سے جانا جاتا ہے۔ انہوں نے کہا کہ اگر مجھے موقع ملا تو میں عوام کی خدمت کے لئے کوئی کسر اٹھا نہیں رکھوں گا اور ضلع سرگودھا کے عوام آئندہ انتخابات میں تحریک انصاف کو بھاری اکثریت سے کامیاب کرائیں گے۔

sargodha news 31 january 2013


سرگودھا (جاویدملک) جمہوریت اپنے حقیقی انداز اور مفہوم میں ملکی بقاء اور ترقی کی ضامن ہے ان خیالات کا اظہار آسراء فاؤنڈیشن کے چیئرمین ڈاکٹر ظہیر احمد نے آسراء فاؤنڈیشن کے زیر انتظام سیمینار سے خطاب کرتے ہوئے کیا انہوں نے کہا کہ جمہوریت کا ماضی‘ حال اور مستقبل سب کے سامنے ہے جمہوریت کے حوالہ سے ایک کتاب تحریر کی جارہی ہے جس میں جمہوریت اور اس کے ثمرات کے علاوہ لوگوں کے تاثرات بھی کتاب میں درج کئے جارہے ہیں انہوں نے کہا کہ فاؤنڈیشن ماضی میں بھی مختلف انداز سے جمہوریت کے حوالہ لٹریچر کی اشاعت ‘ میٹنگز اور ترغیبات سے کام لیتی رہی ہے مگر اب لکھی جانیوالی کتاب بلا شبہ قومی اور سیاسی حوالہ سے ہوا کا ایک تازہ اور خوشگوار جھونکا ہوگی انہوں نے مزید کہا کہ اس کتاب کے ذریعے قومی تاریخ کا حصہ بن کر محفوظ ہوجائیں گے جمہوریت اپنے حقیقی انداز اور اصلی اور سچے مفہوم میں ملکی ترقی اور بقاء اور استحکام کی ضامن ہے ڈاکٹر ظہیر احمد نے کہا کہ ملک کی بقاء کیلئے جمہوریت بہترین نظام ہے اس نظام کو چلنا چاہیئے اسی سلسلہ میں جامع کتاب لکھی جارہی ہے۔

سرگودھا (جاویدملک) اقلیتی رکن پنجاب اسمبلی طاہر نوید چوہدری ایڈووکیٹ نے کہا ہے کہ پاکستان کی تاریخ میں پاکستان پیپلز پارٹی جمہوریت کی بقاء کے حوالے سے ایک تاریخ ریکارڈ رکھتی ہے جمہوریت کی بقاء اور اس کی شمع کو روشن رکھنے کیلئے پاکستان پیپلز پارٹی کے قائدین اور جیالوں نے خون کے نذرانے پیش کئے ان قربانیوں میں آل پاکستان مینارٹیز الائنس کے قائد شہباز بھٹی بھی شامل ہیں جنہوں نے شہادت کا رتبہ حاصل کیا اور جمہوریت کی آبیاری اپنے خون سے کی آئندہ بھی APMA ملک کی ترقی ‘ استحکام ‘بقاء اور جمہوریت کیلئے کسی قربانی سے دریغ نہیں کریگی انہوں نے کہا کہ قومی اسمبلی کے ارکان کا گروپ فوٹو اس بات کی علامت ہے کہ تمام سیاسی مذہبی جماعتیں ملک میں جمہوریت چاہتی ہیں اور پہلی بار جمہوری حکومت اپنی مدت پوری کرنے جارہی ہے طاہر نوید چوہدری نے کہا کہ جمہوریت بہترین انتقام ہے ہمیں چاہیئے کہ جمہوریت کی بقاء کیلئے پاکستان پیپلز پارٹی کے ہاتھ مضبوط کریں‘ وفاقی وزیر بین المذاہب ہم آہنگی ڈاکٹر پال بھٹی بھی اپنے بھائی شہید شہباز بھٹی کے نقش قدم پر چلتے ہوئے جمہوریت کی بقاء کیلئے کوشاں ہیں۔

سرگودھا (جاویدملک)حلقہ این اے 66 سے قومی اسمبلی کے امیدوار ڈاکٹر ارشد شاہد نے کہا ہے کہ کوئی بھی سیاسی جماعت نہیں چاہتی کہ ملک میں آمریت آئے اور مارشل لاء کے سائے ایک بار پھر ملک پر منڈلانے لگیں مگر موجودہ حکمرانوں نے جس طرح جمہوریت کو بدنام کیا ہے وہ قابل مذمت ہے تاہم خوشی اس بات کی ہے کہ لولی لنگڑی جمہوریت اپنی آئینی مدت پوری کررہی ہے اس میں اہم کردار آرمی چیف کا بھی ہے جنہوں نے جمہوریت کیلئے موجودہ حکومت کو پانچ سال پورے کرنے دیئے ڈاکٹر ارشد شاہد نے کہا کہ اس وقت ملک میں جاری ترقیاتی کام میں جس طرح کی بے ضابطگیاں پائی جارہی ہیں چیف جسٹس آف پاکستان کو اس کا نوٹس لینا چاہیئے۔

سرگودھا (جاویدملک)پاکستان پیپلز پارٹی کے سابق ڈویژنل صدر ملک عزیز الحق ‘ سابق ایم پی اے ڈاکٹر نادیہ عزیز‘ سابق ضلعی جنرل سیکرٹری حاجی فاروق حسن نے اپنے مشترکہ بیان میں کہا ہے کہ پاکستان پیپلز پارٹی کی موجودہ حکومت تمام تر افواہوں ‘ سازشوں کے باوجود اپنی آئینی مدت پوری کررہی ہے جس کا سہرا صدر پاکستان آصف علی زرداری‘ وزیر اعظم اور تمام اتحادی جماعتوں کے سر ہے اسی طرح اگر جمہوریت کی گاڑی کو چلنے دیا گیا تو کوئی وجہ نہیں کہ جمہوریت کا یہ ننھا پودا جلد ہی تناور درخت بن جائیگا اور اس کا پھل تمام سیاسی جماعتیں اور عوام کھائیں گے انہوں نے کہا کہ جونہی کوئی پودا لگایا جاتا ہے تو تیز ہوا‘ بارش‘ آندھی اس پودے کو توڑنے کی کوشش کرتی ہے مگر جو پودا قائم رہتا ہے وہ تناور درخت بھی بن جاتا ہے یہی جمہوریت کے ساتھ بھی ہورہا ہے اب جمہوریت کا یہ پودا انشاء اللہ تناور درخت ضرور بنے گا۔

سرگودھا (جاویدملک)سرگودھا میں جمعرات کے روز ٹھنڈی ہوا ‘ دھوپ‘ بادل اور معمولی بارش کے دلکش نظارے اہل سرگودھا کے دلوں کو گرماتے رہے تاہم دوپہر کے اوقات میں سورج نے بھی آنکھیں دکھائی اس کے ساتھ ہی بارش کی فوار سے موسم مزید دلکش ہوگیا جب کہ ٹھنڈی ہوا بھی لوگوں کیلئے ایک خوشگوار لمحے فراہم کرتی رہی۔

سرگودھا (جاویدملک) سرگودھا اور گردونواح میں چینی کی تھوک مارکیٹ میں پانچ روپے فی گٹو کمی واقع ہوئی تھوک مارکیٹ میں مختلف شوگر ملز کی چینی آنے سے مقابلے کے رجحان کے باعث پانچ روپے گٹو کی کمی کی گئی۔

سرگودھا (جاویدملک)محکمہ سوئی گیس کے عملہ نے غریب عوام کیلئے بل جمع کروانا عذاب بنادیا بل جمع کروانے کی تاریخ یکم فروری ڈال کر تیس تاریخ کو گیس کے بل تقسیم کئے گئے آخری تاریخیں ہونے کی وجہ سے لوگوں کی اکثریت بل جمع نہ کرواسکی جس کی وجہ سے انہیں بھاری جرمانہ بھی ادا کرنا پڑیگا لوگوں کا کہنا ہے کہ تنخواہیں یکم فروری کو ملتی ہیں بعض ادارے پانچ تاریخ تک تنخواہیں ادا کرتے ہیں محکمہ سوئی گیس کے عملہ کی مبینہ ملی بھگت سے لوگوں کو بھاری جرمانے کروانے کیلئے بل آخری تاریخ سے ایک روز قبل تقسیم کئے گئے تاکہ محکمہ کو بھاری جرمانہ کی صورت میں ریونیو اکٹھا ہوسکے شہریوں نے چیف جسٹس آف پاکستان اور وفاقی محتسب اعلیٰ سے اپیل کی ہے کہ وہ محکمہ سوئی گیس کے عملہ کی اس حرکت کا نوٹس لیں اور بلوں میں عائد کیا گیا جرمانہ ختم کیا جائے۔

سرگودھا (جاویدملک)حکومت نے ملک بھر میں بڑھتی ہوئی تخریبی کاروائیوں کی روک تھام کیلئے تحصیل سطح پر بم ڈسپوزل سکوارڈ تعینات کرنے کیلئے متعلقہ محکمہ کو اقدامات کرنے کی ہدایت جاری کردی ہے اس سلسلہ میں بم ڈسپوزل سکوارڈ کو بم وغیرہ ناکارہ بنانے کی خصوصی تربیت دی جائیگی تاکہ بم ڈسپوزل کا عملہ احسن طریقہ سے اپنے فرائض انجام دے سکے۔

سرگودھا (جاویدملک)حکومت نے مڈل سکولز سے تمام بچوں کو ابتدائی طبی امداد کی ٹریننگ دینے کی ہدایت کی ہے معلوم ہوا ہے کہ حکومت نے آئندہ نئے تعلیمی سال سے تمام مڈل و ہائی سکولز کے بچوں کو ابتدائی طبی امداد کی ٹریننگ دینے کا سلسلہ شروع کرنے کا فیصلہ کیا ہے تاکہ کسی بھی ایمرجنسی کی صورت میں بچے ابتدائی طبی امداد خود دے سکیں اس سے کئی قیمتی جانیں بچانے میں مدد ملے گی۔

سرگودھا (جاویدملک) سرگودھا اور گردونواح میں اسمبلیاں کب ٹوٹیں گی پر لاکھوں روپے کا جواء لگ گیا جواری اسمبلیاں اسی ماہ ٹوٹنے یا نہ ٹوٹنے کے ساتھ ساتھ تمام اسمبلیاں ایک ہی دن ٹوٹنے پر جواء لگارہے ہیں جواری اس سلسلہ میں متحرک ہوگئے ہیں کئی نے اسمبلیاں ٹوٹنے کے بارے میں اپنے اپنے حلقوں نے ارکان اسمبلی سے تاریخیں بھی پوچھنا شروع کردی ہیں۔

سرگودھا (جاویدملک)حکومت نے صوبہ بھر میں بغیر پارکنگ کے پلازے ‘ ہوٹلز‘ ہسپتال اور دیگر تعمیر کرنے والوں کیخلاف فوری کاروائی کرنے کی ہدایت کردی ہے معلوم ہوا ہے کہ اس سلسلہ میں تمام بلدیاتی اداروں کے ایڈمنسٹریٹرز کو ہدایت جاری کی گئی ہے کہ وہ صوبہ بھر میں ایسی عمارات جوکہ کمرشل استعمال ہورہی ہیں اور وہاں پر مالکان نے کار پارکنگ کا بندوبست نہیں کیا ان کیخلاف کاروائی عمل میں لائی جائے۔

سرگودھا (جاویدملک)حلقہ این اے 66 سے قومی اسمبلی کے امیدوار مسلم لیگ ن کے راہنما سابق میئر چوہدری حامد حمید جامع مسجد گولچوک میں میٹھے پانی کی فراہمی کا وعدہ کرکے اسے پورا نہ کرسکے جس سے نمازیوں میں اضطراب پایا جاتا ہے نمازیوں کا کہنا ہے کہ جو امیدوار اللہ تعالیٰ کے گھر کیلئے کیا گیا وعدہ پورا نہ کرسکے وہ کامیاب ہوکر عوام کے کام کیا کروائے گا نمازیوں نے ڈی سی او سرگودھا اور محکمہ اوقاف کے حکام سے اپیل کی ہے کہ وہ سرگودھا کی سب سے اہم اور معروف مسجد گولچوک میں میٹھے پانی کی فراہمی کا وعدہ پورا کروائیں۔

سرگودھا (جاویدملک)الیکشن کی تاریخ قریب آتے ہی ارکان اسمبلی حلقوں میں نظر آنے لگے پانچ سال تک حلقوں سے غائب رہنے والے ارکان اسمبلی ‘ وزراء حلقہ میں ہونے والی فوتگی اور شادی کی تقریبات میں بروقت پہنچنے لگے اور لوگوں سے سلام دعا بھی شروع کردی الیکشن میں کامیاب ہونے کے بعد ارکان اسمبلی اور وزراء کی اکثریت نے اپنے اپنے حلقوں کی بجائے اپنے مستقل ٹھکانے لاہور‘ اسلام آباد بنالئے تھے اور حلقوں میں ترقیاتی کام نہ ہونے کے برابر تھے نہ ہی یہ ارکان اسمبلی کسی کی شادی بیاہ کی تقریبات کے علاوہ فوتگی میں بھی نہیں آتے تھے اب باقاعدگی انہیں شادی کی تقریبات کے علاوہ جنازوں میں بھی دیکھا جارہا ہے۔

سرگودھا (جاویدملک)پاکستان پیپلز پارٹی کی شعبہ خواتین کی سیکرٹری اطلاعات محترمہ بدر النساء کے ماموں انتقال کرگئے جنہیں سینکڑوں سوگواروں کی موجودگی سپرد خاک کردیا گیا مرحوم کی وفات پر وفاقی وزیر مملکت برائے پانی و بجلی تسنیم احمد قریشی‘ ایم پی اے اعجاز احمد کاہلوں سمیت دیگر نے تعزیت کا اظہار کرتے ہوئے کہا ہے کہ اللہ تعالیٰ مرحوم کو اپنے جوار رحمت میں جگہ دے اور پسماندگان کو صبر جمیل عطاء کرے۔

سرگودھا (جاویدملک) پاکستان مسلم لیگ ن کے سینئر راہنما وزیر اعلیٰ پنجاب کے معاون خصوصی راؤ طاہر مشرف نے کہا ہے کہ دس سالہ پارٹی وابستگی رکھنے والوں کو ٹکٹ دیئے جائینگے اس سلسلہ میں میاں نواز شریف نے تمام امیدواروں سے درخواستیں طلب کرنے کا فیصلہ کرلیا ہے جو ٹکٹیں تقسیم کرنیوالی کمیٹی کے حوالے کی جائیں گی جو مکمل چھان بین کے بعد امیدواروں کے نام فائنل کریگی اس سلسلہ میں جسے بھی ٹکٹ ملے گا وہی الیکشن لڑے گا۔

Wednesday, January 30, 2013

sargodha news

سرگودہا ( شرافت حسین )ڈائریکٹر اینٹی کرپشن بابر امان بابر کی ہدایت پر محکمہ اینٹی کرپشن سرگودہانے رشوت لینے پر دو پٹواریوں کو گرفتار کر لیا جبکہ میڈیکل آفیسر ڈی ایچ کیو ٹیچنگ ہسپتال سرگودہا اور دو پولیس انسپکٹروں کے خلاف انکوائری کا آغاز کر دیاہے ۔ تفصیلات کے مطابق حلقہ 54 جنوبی کے پٹواری راجہ ظفر الحق نے مدعی نصراللہ ولد احمد خان کے دس لاکھ پچاس ہزار مالیت کارقبہ کسی او رکے نام منتقل کر دیا جبکہ محمد ثقلین پٹواری نے محمد گلباز ولد حاجی ملک جہان خان ساکن 42-B عزیز بھٹی ٹاؤن سرگودہا کی دکان پر قابض ہونے اور جعلی اقرار نامہ کے ذریعہ محمد حیات نامی شخص کو منتقل کرنے کے الزام میں گرفتار کر لیاہے ۔ دریں اثنا ڈائریکٹر اینٹی کرپشن سرگودہا سرکل بابر امان بار نے تفتیش کیلئے 35 ہزار روپے محمد منیر ولد محمد یار سے رشوت وصول کرنے پر تھانہ شاہ پور صدر کے سب انسپکٹر محمداسلم تفتیش میں بے گناہ کرنے کیلئے غلام علی ولد محمد قوم اعوان ساکن کوٹ مومن سے سات ہزار روپے رشوت وصول کرنے کے الزام پر انکوائری کا حکم دے دیا ہے جبکہ میڈیکل آفیسر ڈی ایچ کیو ٹیچنگ ہسپتال ڈاکٹر ممتاز نیازی کے خلاف اصغرعلی ولد عبدالغفور ساکن چک 91 شمالی سرگودہا کی درخواست پر مخالف فریق سے رشوت وصول کر کے جعلی میڈیکو لیگل سرٹیفکیٹ جاری کرنے بھی انکوائری کاحکم دیاہے ۔ انہوں نے انکوائری افسران کو ہدایت کی ہے کہ وہ انکوائری جلد از جلد مکمل کریں تاکہ ملزمان کو کیفرکردار تک پہنچایا جاسکے ۔
سرگودہا ( شرافت حسین ) سپیشل بچوں کو تضحیک او رطنز کا نشانہ بنانے والے خالق کائنات کی توہین کرتے ہیں ۔ کارخانہ قدرت میں کوئی چیز بری نہیں ۔ معذوری زندگی کی مجبوری نہیں ۔ فطرت انسان کا امتحان لیتی ہے ۔ سپیشل بچوں کی پرورش صدقہ جاریہ ہے ۔ ان بچوں کی نگہداشت بہت بڑی انسانی خدمت ہے ۔ بینائی سے محروم بچے بصیرت کی دولت سے مالامال نہیں ۔ نابیناؤں نے کرکٹ سمیت زندگی کے ہر شعبہ میں اپنی صلاحیتوں کا لوہا منوا لیاہے ۔ ان خیالات کا اظہار ماہر تعلیم پروفیسر ڈاکٹر ہارون الرشید تبسم نے سن رائز کے زیر اہتمام گورنمنٹ انسٹی ٹیوٹ فار دی بلائنڈ ز اقبال کالونی سرگودہا کے ذہین بچوں کے اعزاز میں منعقد تقریب سے خطاب کرتے ہوئے کیا۔ڈاکٹر ہارون الرشید تبسم نے حکومت سے اپیل کی ہے کہ وہ نابینا افراد کے مسائل حل کرنے کیلئے بجٹ میں خصوصی رقم مختص کرے ۔ ان کی صلاحیتوں سے بھر پور فائدہ اٹھانے کیلئے ورکشاپس بنائی جائیں ۔ ریاض محمود کمبوہ ‘ شگفتہ کوثر ‘ ریاض احمد بھٹی ‘ صوبیہ ارم اور محمد شیر نے اپنی گفتگو میں بتایاکہ نابینا افرا د کو زیور تعلیم سے آراستہ کرنا مشکل ہے لیکن ناممکن نہیں ہے ۔ سفید چھڑی بینائی سے محروم افراد کی نشانی ہے اس کا احترام بہت ضروری ہے ۔ گذشتہ بیس سال میں انسٹی ٹیوٹ سے فارغ التحصیل طلبا وطالبات نے اپنی کارگزاری کے بل بوتے پر بہت سی نمایاں کامیابیاں حاصل کی ہیں ۔
سرگودہا ( شرافت حسین )ایس پی پٹرولنگ ملک محمد اقبال نے روڈ سیفٹی مہم کے سلسلہ میں مقامی صحافیوں اور ملازمان کی میٹنگ کے دوران مفصل بریفنگ دیتے ہوئے کہا کہ شاہرات پر حادثات ہمارے لئے چیلنج کا درجہ رکھتے ہیں اور ان سے نمٹنے کیلئے جو حکمت عملی بنائی گئی ہے وہ 3-Eپر مبنی ہے جس میں ایجوکیشن ‘انجینئرنگ اور انفورسمنٹ شامل ہے۔روڈ ایجوکیشن اورروڈ انجینئرنگ پر توجہ دینے کے لئے پنجاب ہائی وے پٹرول نے اپنی مدد آپ کے تحت سلو موونگ اور اورلوڈ گاڑیوں پر ریفلیکٹنگ سٹکر لگانے کی مہم کا آغاز کیا ہے تاکہ حادثات سے ہرممکنہ طور پر بچا جاسکے ۔ انہوں نے مزید کہ رواں ماہ سرگودھا ریجن میں 8261ریفلیکٹنگ سٹکر ز لگائے جاچکے ہیں اور یہ مہم بھرپور زور شور سے ہر پٹرولنگ پوسٹ پر بھی جاری و ساری ہے ۔اس سلسلہ میں ایجوکیشن یونٹ کے انچارج خرم توفیق سب انسپکٹر کو واضع ہدایات جاری کیں کہ اس مہم کو ہر شاہراہ پر بھرپور طریقہ سے چلایا جائے تاکہ ایجوکیشن کے بنیادی مقاصد حاصل ہوسکیں۔عوام الناس کی خدمت اور تحفظ ہمارا اولین نصب العین ہے جس کے حصول میں ہم کسی بھی سعی سے گریز نہ کریں گے اور میری یہ خواہش ہے کہ پٹرولنگ پولیس سرگودھا ریجن کی کارکردگی معاشرے کا آئینہ بن سکے ۔ پٹرولنگ پولیس کا شعار اس حدیث مبارکہ پر مبنی ہے کہ ’’یہ کیسے ممکن ہے کہ تم لوگوں کیلئے مشکلات پیدا کرو اور اپنے لئے اللہ تعالیٰ سے آسانیا ں مانگو۔‘‘
سرگودہا ( شرافت حسین )آن لائن داخلہ سسٹم کے ذریعے طلبا وطالبات کے مسائل کا فی حد تک کم ہو چکے ہیں سرگودہا بورڈ میں طلباء کیلئے دو سہولیات سنٹر مفت سہولت فراہم کر رہے ہیں ۔ اسی طرح بھکر ‘ خوشاب او رسرگودہا کی تمام تحصیلوں میں Facilitiation سنٹرزکام کر رہے ہیں ۔ ان خیالا ت کا اظہار چےئرمین تعلیمی بورڈ سرگودہا ڈاکٹر بشیر احمد چوہدری نے ریڈیو پاکستان سرگودہا کے پروگرام ’’ مسئلہ یہ ہے ‘‘ میں میزبان شہزاد شیرازی کو انٹر ویو دیتے ہوئے کیا ۔ انہوں نے کہاکہ سرگودہا بورڈ نویں اور دسویں جماعت کے طلبا وطالبات سے حکومت پنجاب کے حکم کے مطابق فیسز وصول نہیں کر رہاہے ہم صرف اپنے بورڈ کے اخراجات گیارہویں اور بارہویں کلاس کی داخلہ فیسز سے پورے کئے جا رہے ہیں ۔ ہم تمام ترمالی وسائل کے باوجود اپنے طلبا وطالبات کو ہر طرح کی جدید سہولت فراہم کر رہے ہیں ۔ انفارمیشن ٹیکنالوجی کااستعمال انتہائی احسن طریقے سے کرتے ہوئے تمام پرانے پیش آنے والے مسائل سے نجات حاصل کی جاچکی ہے ۔ انہوں نے کہاکہ اسناد کی بروقت ترسیل کیلئے داخلہ فارم کے ساتھ ہی ڈگری فیس حاصل کی جارہی ہے تاکہ بروقت اسناد طلبا کو دی جاسکیں ۔ ان کا کہنا تھا کہ جو بچے فیل ہونے کے بعد تعلیم جاری نہیں رکھنا چاہتے وہ ڈگری فیس بورڈ سے واپس لے سکتے ہیں ۔چےئرمین بورڈ نے کہا کہ میں اس بات کو تسلیم کرتا ہوں کہ ہمارے تعلیمی ادارے اچھے نمبرز لینے کی دوڑ میں تو شامل ہیں لیکن ابھی تک کوالٹی ایجوکیشن سے ہم کافی دور ہیں ۔ پروگرام کے پروڈیوسر ملک غلام عباس اعوان تھے ۔
سرگودہا ( شرافت حسین )عورت فاؤنڈیشن ضلع سرگودہا میں گاؤں کی سطح پر آگاہی ریسورس سنٹرز کا قیام کیاگیا جہاں پر عورت کے حقوق او ربنیادی انسانی حقوق سے متعلق تمام معلومات موجود ہوں گی اور با آسانی اہل علاقہ تک پہنچائی جائیں گی ۔ ریسورس سنٹر کو چلانے کیلئے ٹیم کا انتخاب صفی بنیادوں پر کیاگیاہے تاہم خواتین کی معلومات تک رسائی آسان ہوسکے اور علاقہ میں موجود ایسی عورتیں جو صرف اپنے مسائل عورت سے ہی بیان کرنا چاہتی ہیں یا معلومات حاصل کرنا چاہتی ہیں تو ان کی مدد کیلئے وہاں خاتون سٹاف موجود ہو۔ ریسورس سنٹر کے سٹاف کی تربیت کا اہتمام کرتے ہوئے انہیں بتایاگیاکہ ریسورس سنٹر کے مقاصد کیا ہوتے ہیں ۔ ریکارڈ کیسے قائم رکھا جاتاہے ۔ اس موقع پر عورت فاؤنڈیشن کی ضلعی کوارڈی نیٹر صوبیہ میر زمان ‘ تربیت کار عابد علی او رنبیلہ شاہین ریجنل کوارڈی نیٹر عورت فاونڈیشن نے بھی خطاب کیا ۔مہمان خصوصی محترمہ ڈاکٹر کوثر رئیس پرنسپل پوسٹ گریجوائیٹ کالج فاروق کالونی نے شرکت کی ۔ اور اداروں کو عوامی فلاح کیلئے چلانے او ران کی اہمیت پر گفتگوکرتے ہوئے شرکاء میں اسناد تقسیم کیں۔
سرگودہا ( شرافت حسین )ڈسٹرکٹ آفیسر محکمہ سوشل ویلفےئر افتخار احمد چیمہ نے کہا ہے کہ نبی پاک ؐ کی دنیا میں اور اللہ تعالیٰ کا بنی نوح انسان کیلئے خاص انعام ہے اور اس کی عبادت کر کے ہی دنیا او راخرت میں فلاح پاسکتے ہیں ۔ ان خیالات کاا ظہار انہوں نے کاشانہ سرگودہا میں جشن عید میلاد النبی ؐ کے سلسلہ میں منعقدہ میلاد کی تقریب سے بطور مہمان خصوصی خطاب کرتے ہوئے کیا ۔ انہوں نے کہاکہ خوش نصیب ہیں وہ لوگ جو نبی کریم ؐ کا میلاد نہ صرف خود مناتے ہیں بلکہ دوسروں کو بھی اس میں شرکت کی دعوت دیتے ہیں ۔ اس موقع پر سپرنٹنڈنٹ کاشانہ میڈم ثوبیہ لطیف اور ممبر مینجمنٹ کمیٹی کاشانہ مسز شگفتہ رانجھا ‘ مسز کشور بھٹی ‘ مسز کشور منصور شریک تھیں۔اس موقع پر میڈم ثوبیہ لطیف نے خطاب کرتے ہوئے کہا کہ پوری امت مسلمہ کے آخری نبی ؐ ہیں او ردنیا میں کئی انعامات اللہ تعالیٰ نے ان کے طفیل عطا کئے او رہمارافرض ہے کہ ہم آپ ؐ کی آمد کا جشن بھر پور طریقہ سے منائیں ۔ اس موقع پر کاشانہ کی بچیوں نے بارگاہ رسالت ؐ میں عقیدت کے پھول نچھاور کئے ۔ اس موقع پر شرکاء میں مٹھائی تقسیم کی گئی ۔

Tuesday, January 29, 2013

sargodha news

سرگودھا (عمران گورائیہ) یونیورسٹی آف سرگودھا نے امسال 8 ہزار اعلیٰ کوالٹی کا کنو زمینداروں کو 60 روپے فروخت کیا ہے جو بغیر بیج کے ہوگا اور آنیوالی فصلوں کے موقع پر 12 ہزار اعلیٰ کوالٹی کا کنو اور12 ہزار کے قریب مسمی کے پودے زمینداروں میں ارزاں نرخوں پر فروخت کئے جائینگے ان خیالات کا اظہار وائس چانسلر یونیورسٹی آف سرگودھا ڈاکٹر محمد اکرم چوہدری نے کیا انہوں نے کہا کہ یونیورسٹی ملک میں پیدا ہونیوالے کنو میں جدت لانے کیلئے عرصہ دراز سے کررہی تھی اعلیٰ کنو کی کوالٹی متعارف کروانے کیلئے یونیورسٹی نے نیا پودا ایجاد کیا ہے یہ پودا یونیورسٹی کی ایجاد نہیں ہے بلکہ پرموٹ کئے گئے فارمولے کو مد نظر رکھتے ہوئے زرعی ماہر محمد راشد نے 50 سے زائد کنو چیمبر آف کامرس میں جہاں 70 سے زائد افراد کے وفد کے سامنے بغیر بیج کے کنو متعارف کروایا یہ کنو اپنی کوالٹی اور مٹھاس کے ساتھ ساتھ منفرد ذائقے کے باعث چیمبر آف کامرس کے وفد کو حیران کرکے رکھ دیا جس پر چیمبر آف کامرس نے یونیورسٹی فوری طور پر اس کوالٹی کو وسیع پیمانے پر زمینداروں کو باہم پہنچانے کیلئے درخواست کی جس پر یونیورسٹی آف سرگودھا امسال 8 ہزار کنو کے پودے زمینداروں کو 60 روپے کے عوض فی پودا فروخت کیا گیا وائس چانسلر یونیورسٹی ڈاکٹر محمد اکرم چوہدری نے کہا کہ آئندہ سال 12 ہزار کنو کے پودے اور 12 ہزار مسمی کے پودے کسانوں میں سستے نرخوں پر فروخت کئے جائینگے تاکہ سرگودھا جو دنیا میں کیلیفونیا کے نام سے مشہور ہے اپنی روایت برقرار رکھتے ہوئے دنیا میں بغیر بیج کے کنو اور مسمی فراہم کرکے ایک نئی تاریخ رقم کریگا یونیورسٹی آف سرگودھا کسانوں کی فلاح و بہبود کیلئے تمام وسائل بروئے کار لارہی ہے یونیورسٹی آف سرگودھا اور اس کے شہریوں کو باہمی سہولتیں فراہم کرنے کیلئے تمام وسائل کو استعمال کرتے ہوئے سستی اور معیاری دریافت کا سلسلہ جاری ہے اور انشاء اللہ آئندہ بھی یہ سلسلہ جاری رہے گا۔

سرگودھا (عمران گورائیہ) وزیر اعلیٰ پنجاب نے کچہری پھاٹک پر تعمیر ہونیوالے پل کی سست روی سے تعمیر کا نوٹس لیتے ہوئے ضلعی انتظامیہ کو ہدایت جاری کی ہے کہ وہ پل کی تعمیر کا کام تیز رفتاری سے مکمل کروانے کیلئے ٹھیکیدار کو پابند کریں یادرہے کہ وفاقی حکومت کی جانب سے پل کی تعمیر کیلئے فنڈز جاری کئے گئے گزشتہ 6 ماہ سے پل کا ٹھیکیدار انتہائی سست روی سے کام کررہا ہے جس سے شہر اور کینٹ کے لوگ دو حصوں میں تقسیم ہوکر رہ گئے ہیں جس سے شہر میں ٹریفک کو دباؤ بھی بڑھ رہا ہے جس پر وزیر اعلیٰ پنجاب نے نوٹس لیتے ہوئے ضلعی انتظامیہ کو حکم دیا ہے کہ وہ پل کی تعمیر کو بروقت مکمل کروانے کیلئے ٹھیکیدار کو پابند کریں۔

سرگودھا (عمران گورائیہ) 31 دسمبر گزر جانے کے باوجود سول ہسپتال کا ٹھیکیدار حسب وعدہ ہسپتال کا کی تعمیر کا کام مکمل نہ کرسکا جبکہ ایک ماہ کا زائد عرصہ گزر چکا ہے ضلعی انتظامیہ کے افسران بھی خاموشی اختیار کئے ہوئے ہیں وزیر اعلیٰ پنجاب نے 31 دسمبر تک ہسپتال کی تعمیر کا حکم دیا تھا اور اس کے فنڈز بھی جاری کردیئے تھے مگر ٹھیکیدار کی سستی کے باعث دی گئی ڈیڈ لائن سے بھی ایک ماہ کا زائد عرصہ ہونے کو ہے ہسپتال تعمیر نہ ہوسکا جبکہ اسمبلیاں بھی اپنی مدت پوری کرنے کو ہیں جس سے ایسا لگتا ہے کہ وزیر اعلیٰ پنجاب ہسپتال کی افتتاحی تقریب سے محروم رہیں گے ٹھیکیدار نے رقم لیکر کام کی رفتار کو کم کردیا ہے جس سے ہسپتال کی تعمیر کی ڈیڈ لائن سے بھی ایک ماہ زائد ہوچکا ہے شہریوں نے وزیر اعلیٰ پنجاب سے مطالبہ کیا ہے کہ وہ اس کا نوٹس لیں اور ہسپتال کی تعمیر بروقت مکمل کرنے کے احکامات جاری کریں۔

سرگودھا (عمران گورائیہ) ساڑھے سات ہزار روپے اور 25 ہزار روپے والے قومی انعامی بانڈز کی قرعہ اندازی یکم فروری بروز جمعۃ المبارک کو فیصل آباد اور لاہور میں منعقد ہوگی ساڑھے سات ہزار روپے والے قومی انعامی بانڈز کی قرعہ اندازی جو کہ لاہور میں ہوگی اس کا پہلا انعام 1 کروڑ 50 لاکھ روپے‘ دوسرا انعام 50 لاکھ روپے کے تین انعامات‘ تیسرا انعام 93 ہزار روپے کے 1696 انعامات ہیں اسی طرح 25 ہزار روپے کے قومی انعامی بانڈز کی قرعہ اندازی فیصل آباد میں ہوگی اس کا پہلا انعام 5 کروڑ روپے ‘ دوسرا انعام 1 کروڑ 50 لاکھ روپے کے 3 انعامات‘ اسی طرح تیسرا انعام تین لاکھ 12 ہزار روپے کے 1696 انعامات رکھے گئے ہیں۔

سرگودھا (عمران گورائیہ) ضلعی انتظامیہ کی جانب سے ٹرک اڈے شہر سے باہر جھال چکیاں کے مقام پر منتقل کرنے کیلئے ایڈمنسٹریٹر بلدیہ سرگودھا اور سیکرٹری آر ٹی اے کی سربراہی میں ٹرک اڈوں کی تقسیم کے لئے قرعہ اندازی کی گئی ٹریفک پولیس کی جانب سے سب انسپکٹر ملک محمد اشرف اور ظہیر وڑائچ نے پرچیاں ڈال کر قرعہ اندازی کی تھوک کا کام کرنیوالے ٹرک مالکان کو فرنٹ جبکہ پرچون کا کام کرنیوالے ٹرک مالکان کو بیک پر جگہ دی گئی یادرہے کہ ٹرک اڈا مالکان عرصہ دراز سے ٹرک اڈے شہر سے باہر منتقل کرنے کے مطالبہ کررہے تھے اب انہیں جھال چکیاں کے مقام پر جگہ فراہم کردی گئی ہے اس اقدام سے شہر میں ٹریفک کا دباؤ بھی کم کرنے میں مدد ملے گی۔

سرگودھا (عمران گورائیہ) حکومت نے ملک بھر میں جعلی ادویات فروخت کرنے اور بنانیوالوں کیخلاف فوری کاروائی کا حکم دیدیا گیا ہے بتایا گیا ہے کہ حکومت نے تمام ڈسٹرکٹ ڈرگ انسپکٹرز کو مراسلہ جاری کیا ہے جس میں کہا گیا ہے کہ تمام میڈیکل سٹورز مالکان کو اس بات کا پابند بنایا جائے کہ وہ کوئی بھی دوائی فروخت کرنے سے قبل اس کی بل وارنٹی ضرور حاصل کریں دوران چیکنگ کوئی دوائی بغیر بل وارنٹی نے پکڑی گئی تو ذمہ داران کیخلاف سخت کاروائی عمل میں لائی جائیگی۔

سرگودھا (عمران گورائیہ) باجوہ کالونی کے رہائشی حیات اللہ خان نے ایس ایس پی سرگودھا کے نام تحریری درخواست میں الزام لگایا ہے کہ وہ گزشتہ روز اپنی گاڑی نمبری 6304 آر آئی سی پر اپنے گودام جارہے تھے کہ فاطمہ جناح روڈ پر ٹریفک پولیس والوں نے میری گاڑی کو روکا اور روٹ پرمٹ لائسنس وغیرہ ٹریفک اہلکاروں کو دیئے اور مجھ سے 5 سو روپے رشوت طلب کی میں نے کاغذات مکمل ہونے کا کہا تو پولیس اہلکار طیش میں آگئے اور مجھے تشدد کا نشانہ بنایا ٹریفک انسپکٹر مظہر کھرل نے میری گاڑی کا نہ صرف چالان کیا بلکہ گاڑی تھانے میں بند کردی محمد انور اے ایس آئی نے مجھ پر تشدد کیا اور مجھے حوالات میں بند کردیا لہذا ان کیخلاف کاروائی کی جائے۔

سرگودھا (عمران گورائیہ) جیمز اینڈ جیولری اینڈ ڈویلپمنٹ کمپنی وزارت پیداوار کے زیر انتظام جیولری کی قومی نمائش یکم فروری سے تین فروری تک اسلام آباد ہوٹل میں منعقد ہوگی جس کا افتتاح وفاقی وزیر پیداوار چوہدری انور علی چیمہ اور وفاقی سیکرٹری پیداوار گل محمد رند کرینگے اس نمائش میں ملک بھر سے قیمتی پتھروں کا کاروبار کرنیوالے حضرات سٹال لگائیں گے یہاں پر پتھروں کی پرکھ مفت کرنے کا انتظام کیا گیا ہے جیمز اینڈ جیولری کے ڈائریکٹر کے مطابق اس نمائش میں ملکی و غیر ملکی سفارتکار بھی شرکت کرینگے یہ نمائش تین روز تک جاری رہے گی۔

سرگودھا (عمران گورائیہ) سلانوالی پولیس نے شمشیر خان کے قتل کا مقدمہ محمد بخش سکنہ چک 129 کی درخواست پر مسماۃ شاہین وغیرہ کیخلاف درج کرلیا ہے درخواست میں لکھا گیا ہے کہ شمشیر خان اور مسماۃ شاہین کے آپس میں تعلقات تھے جسے اسی نے قتل کروایا ہے تھانہ سلانوالی پولیس نے محمد بخش کی درخواست پر شمشیر خان کے قتل کا مقدمہ مسماۃ شاہین وغیرہ کیخلاف درج کرلیا ہے۔

سرگودھا (عمران گورائیہ) سائیکل اور رکشہ کی ٹکر کے تنازعہ پر ولی محمد ‘ محمد رمضان وغیرہ نے قمر عباس کو تشدد کا نشانہ بنا کر اسے مضروب کردیا جس پر تھانہ شاہ نکڈر پولیس نے ان افراد کیخلاف مقدمہ درج کرلیا ہے۔

سرگودھا (عمران گورائیہ) تھانہ جھال چکیاں پولیس نے گاڑی لوٹنے کے الزام میں ملزمان کیخلاف مقدمہ درج کرلیا ہے بتایا گیا ہے کہ ماڑی لک کا رہائشی محمد حیات غفور کنو فیکٹری سے مال لیکر ماڑی جارہا تھا کہ ٹبی گوندل کے قریب ارشد ‘ ممتاز وغیرہ نے اسے روک لیا اور اسلحہ کے زور پر انہیں تشدد کا نشانہ بناتے ہوئے ان سے ہزاروں روپے کی نقدی‘ موبائل فون وغیرہ چھین لیا اور فرار ہوگئے تھانہ جھال چکیاں پولیس نے مقدمہ درج کرلیا۔

سرگودھا (عمران گورائیہ) ساگ توڑنے کے بہانے کھیتوں میں لے جاکر لڑکی کو جنسی خواہش کی تکمیل کیلئے اغواء کرلیا بتایا گیا ہے کہ تھانہ عطاء شہید پولیس نے چک 57 جنوبی کے رہائشی چراغ کی بیٹی کو زبردستی اغواء کرنے کے الزام میں خان میاں احمد‘ کنیز بی بی کیخلاف مقدمہ درج کرلیا ہے کنیز بی بی چراغ کی بیٹی کو ساگ توڑنے کے بہانے کھیتوں میں لے گئی جہاں اس کے ساتھیوں نے اس اغواء کرلیا پولیس نے مقدمہ درج کرلیا ہے اسی طرح بھیرہ پولیس نے 16 سالہ لڑکی بشریٰ کو زبردستی اغواء کرنے کے الزام میں ارشد‘ تصور اقبال‘ غلام علی وغیرہ کیخلاف مقدمہ درج کرلیا ہے۔

سرگودھا (عمران گورائیہ) سرگودھا لاہور روڈ کی تعمیر مکمل نہ ہونے کے باعث حادثات میں اضافہ آئے روز اموات ہونے لگیں ٹھیکیدار سست رفتاری سے کام کروانے میں مصروف‘ حکومت پنجاب کی جانب سے عوام کو بہتر سفری سہولتیں فراہم کرنے کیلئے سرگودھا لاہور روڈ کی تعمیر کیلئے پچاس کروڑ کے لگ بھگ کی رقم مختص کی گئی جس پر ٹھیکیدار انتہائی سست روی سے کام کررہا ہے جس کے باعث ہیوی ٹریفک کی وجہ سے حادثات میں اضافہ ہورہا ہے شہریوں نے وزیر اعلیٰ پنجاب سے اپیل کی کہ وہ لاہور روڈ کی بروقت تکمیل کو یقینی بنانے کیلئے احکامات جاری کریں۔

سرگودھا (عمران گورائیہ) جمعہ بازار میں غیر معیاری اشیاء کی فروخت شہری لٹنے لگے شہریوں کے مطابق انتظامیہ کی جانب سے عوام کو سستے داموں اشیاء کی فراہمی کیلئے جمعہ بازار کا انعقاد کیا جاتا ہے جہاں پر ٹھیکیدار کی مبینہ ملی بھگت کے باعث غیر معیاری اشیاء کی فروخت کا دہندہ عروج پر ہے شہریوں نے ڈی سی او سرگودھا سے مطالبہ کیا ہے کہ وہ جمعہ بازار میں فروخت ہونیوالی اشیاء کی جانچ پڑتال کیلئے چھاپہ مار ٹیمیں تشکیل دیں اور غیر معیاری اشیاء فروخت کرنیوالوں کیخلاف کاروائی عمل میں لائیں۔

سرگودھا (عمران گورائیہ) سرگودھا خوشاب روڈ پر تیز رفتار کار نے موٹر سائیکل سوار میاں بیوی کو کچل دیا جس کے نتیجہ میں ایک شخص جانبحق جبکہ خاتون شدید زخمی ہوگئی بتایا گیا ہے کہ بکھر بار کی رہائشی شہاب خان اور اس کی اہلیہ کوثر پروین موٹر سائیکل پر سوار ہوکر گھر سے اپنے ڈیرہ جارہے تھے کہ سامنے سے آنیوالی گاڑی نے انہیں بری طرح کچل دیا جس کے باعث شہاب خان اور کوثر پروین کو زخمی حالت میں مقامی ہسپتال لایا گیا جہاں پر شہاب خان زخموں کی تاب نہ لاتے ہوئے چل بسا اور اس کی اہلیہ کوثر پروین شدید زخمی حالت میں ہسپتال میں داخل ہے تھانہ شاہپور صدر پولیس نے گاڑی نمبری 859 کے ڈرائیور کیخلاف مقدمہ درج کرلیا ہے۔

سرگودھا (عمران گورائیہ) ڈائریکٹ کنڈی لگا کر بجلی چوری کرنیوالے شخص کو رنگے ہاتھوں پکڑ لیا بتایا گیا ہے کہ 79 جنوبی کے احمد شیر جوکہ ڈائریکٹ کنڈی لگا کر بجلی چوری کررہے تھے کہ محکمہ واپڈا کی ٹیم نے چھاپہ مار کر انہیں رنگے ہاتھوں پکڑ لیا اور تھانہ صدر میں ان کیخلاف مقدمہ درج کرلیا گیا۔

سرگودھا (عمران گورائیہ) شہری کو نامعلوم جیب تراشوں نے ہزاروں روپے کی نقدی سے محروم کردیا بتایا گیا ہے کہ چک112 شمالی کے رہائشی محمد وارث جوکہ شہر میں جنرل سٹور پر سودا سلف خریدنے کیلئے آیا تو نامعلوم جیب تراشوں نے اس کی جیب سے 24 ہزار 900 روپے‘ڈرائیونگ لائسنس اور قیمتی کاغذات نکال لئے تھانہ سٹی پولیس نے مقدمہ درج کرلیا ہے۔

Monday, January 28, 2013

sargodha news

سرگودھا (عمران گورائیہ) وفاقی وزیر بین المذاہب ہم آہنگی ڈاکٹر پال بھٹی نے کہا ہے کہ موجودہ حکومت اپنی آئینی مدت پوری کررہی ہے تمام سیاسی جماعتوں سے مشاورت کے بعد نگران وزیر اعظم کا اعلان کیا جائیگا جبکہ اسمبلیاں تحلیل کئے جانے کے بارے میں بھی صلاح مشورے جاری ہیں وہ رکن پنجاب اسمبلی طاہر نوید چوہدری کے بھائی کی شادی کی تقریب میں صحافیوں سے بات چیت کررہے تھے اس موقع پر وفاقی وزیر پیداوار چوہدری انور علی چیمہ‘ وفاقی وزیر مملکت برائے پانی و بجلی تسنیم احمد قریشی‘ رکن پنجاب اسمبلی اعجاز احمد کاہلوں‘ سینٹر کامران مائیکل‘ رکن خیبر پختوہ نخواہ اسمبلی پرنس جاوید‘ رکن پنجاب اسمبلی کامل چغتائی‘ پارلیمانی سیکرٹری خلیل طاہر سندھو‘ رکن پنجاب اسمبلی کامل شمیل گجر سمیت سابق ناظمین کونسلرز نائب ناظمین وکلاء تاجر مختلف سیاسی جماعتوں کے رہنماؤں کے علاوہ شہریوں کی بڑی تعداد موجود تھی اس موقع پر وفاقی وزیر پیداوار چوہدری انور علی چیمہ نے کہا کہ حلقہ کی تعمیر و ترقی کیلئے کام جاری ہے جبکہ وزیر مملکت برائے پانی و بجلی تسنیم احمد قریشی نے کہا کہ حکومت لوڈ شیڈنگ پر قابو پانے کیلئے اقدامات کررہی ہے‘ سینیٹر کامران مائیکل نے کہا کہ قومی و صوبائی اسمبلیوں میں اقلیتوں کی نشستیں بڑھانے سے انہیں اپنی آواز احسن طریقہ سے اعلیٰ ایوانوں میں بلند کرنے میں مدد ملے گی اس موقع پر رکن پنجاب اسمبلی طاہر نوید چوہدری نے کہا کہ میں تمام دوست و احباب کا شکر گزار ہوں جنہوں نے میرے بھائی کی شادی کی تقریب میں شرکت فرما کر ہماری خوشیوں کو دوبالا کیا۔

سرگودھا (عمران گورائیہ) سرگودھا پریس کلب کا ایک وفد پاکستان فیڈرل یونین آف جرنلسٹ کے زیر اہتمام پارلیمنٹ ہاؤس کے سامنے دھرنا میں شرکت کیلئے صدر سرگودھا پریس کلب نعیم اختر خان کی قیادت میں روانہ ہوگا اس موقع پر روانگی سے قبل صدر پریس کلب نعیم اختر خان ‘ سینئر نائب صدر ملک محمد اصغر‘ جنرل سیکرٹری رانا ساجد اقبال‘ سینئر صحافی شاہین فاروقی نے خطاب کرتے ہوئے کہا کہ صحافیوں نے جانوں کی پرواہ نہ کرتے ہوئے اپنی ذمہ داریوں کو پورا کیا اور حق سچ لکھنے کی پاداش میں ہمارے 87 سے زائد صحافی بھائیوں کو شہید کردیا گیا حکومت ہمارے شہید ساتھیوں کے قاتلوں کو گرفتار کرکے عبرتناک سزا دے اور ان کے لواحقین کیلئے بھرپور مالی امداد کا اعلان کرنے کے علاوہ انہیں مکمل تحفظ فراہم کرنے کیلئے اقدامات کرے مقررین نے کہا کہ دنیا بھر میں پاکستان کو صحافیوں کیلئے خطرناک ملک قرار دیا جارہا ہے حکومت سنجیدگی سے اس کا نوٹس لے اور صحافیوں کو پیشہ وارانہ فرائض کی ادائیگی کے دوران تحفظ فراہم کرنے کیلئے اقدامات کرے اس موقع پر صحافی زندہ ہیں صحافی اتحاد زندہ باد سمیت مختلف نعرے لگائے گئے۔

سرگودھا (عمران گورائیہ) انجمن تاجران گولچوک کے سابق نائب صدر جاوید ملک نے کہا ہے کہ تاجروں کی فلاح و بہبود کیلئے کوئی کسر اٹھا نہیں رکھیں گے تاجر برادری ملکی معیشت میں ریڑھ کی ہڈی کی حیثیت رکھتی ہے سب سے زیادہ ٹیکس دینے کے باوجود بھی حکومتی اداروں کے اہلکار تاجروں کو ہی ہراساں کرتے ہیں حکومت ٹیکس دینے والے صحافیوں کو دیگر ممالک کی طرح سہولتیں فراہم کرنے کیلئے اقدامات کرے تاکہ تاجروں کو بھی احساس ہو کہ تاجر برادری جو ٹیکس دیتی ہے حکومت اس کے بدلے انہیں سہولتیں بھی فراہم کرتی ہے۔

سرگودھا (عمران گورائیہ) سرگودھا اور گردونواح میں گزشتہ ایک ہفتہ سے نکلنے والی کڑکتی دھوپ کے باعث سردی کی شدت میں نمایاں کمی واقع ہونا شروع ہوگئی ہے دن کے اوقات میں سردی کی شدت نہ ہونے کے برابر ہوتی ہے جبکہ صبح اور رات کے اوقات میں سردی کی شدت میں اضافہ ہوجاتا ہے شہریوں کا کہنا ہے کہ موسم کی تبدیلی سے شہری بڑی تعداد میں بیمار ہورہے ہیں۔

سرگودھا (عمران گورائیہ) ڈویژنل ٹیچنگ ہسپتال کے ماہر امراض ناک‘ کان‘ گلہ ڈاکٹر خلیل رانا نے کہا ہے کہ موسم کی تبدیلی کے باعث لوگوں کی اکثریت کھٹی‘ ٹھنڈی اشیاء استعمال کررہی ہے جس سے ناک‘ کان‘ گلے کے امراض بڑھ رہے ہیں اکثر لوگوں نے گرم کپڑوں کا استعمال بھی کم کردیا ہے جس کی وجہ سے لوگوں کی اکثریت بخار جیسی بیماری میں مبتلا ہورہی ہے انہوں نے کہا کہ موسم میں تبدیلی کا یہ مطلب نہیں کہ لوگ گرم کپڑو ں کا استعمال ترک کردیں دن کے اوقات میں سورج کی وجہ سے سردی محسوس نہیں ہوتی مگر شام کے اوقات میں سردی کی شدت انسانی جسم کیلئے خطرناک ثابت ہوسکتی ہے اس لئے احتیاط کی جائے اور ابھی گرم کپڑوں کا استعمال ترک نہ کیا جائے اس کے علاوہ ٹھنڈی اور کھٹی چیزوں کا استعمال بھی سوچ سمجھ کر کیا جائے۔

سرگودھا (عمران گورائیہ) ایم کیو ایم نے سرگودھا ضلع کی پانچ قومی اور گیارہ صوبائی اسمبلی کی نشستوں کیلئے امیدواروں کے نام طلب کرلئے ہیں ایم کیو ایم کے ڈپٹی کنونیئر فاروق ستار نے سرگودھا کی تنظیم کو ہدایت جاری کی ہے کہ وہ ضلع بھر کے تمام قومی اور صوبائی اسمبلی کے حلقوں میں امیدوار کھڑا کرنے کیلئے نام مرکزی سیکرٹریٹ کو روانہ کریں ناموں کے ساتھ امیدواروں کی ایم کیوایم سے وابستگی کے بارے میں بھی تفصیلات درج کی جائیں ایم کیو ایم نے پنجاب بھر کے تمام قومی و صوبائی اسمبلیوں میں اپنے امیدوار کھڑے کرنے کا اعلان کررکھا ہے۔

سرگودھا (عمران گورائیہ) حکومت مدت پوری کرنے کو ہے لیکن اس نے عوام کیلئے کچھ نہیں کیا سوائے مہنگائی‘ بے روزگاری ‘ کرپشن ‘ توانائی کا بحران اور ڈرون خود کش حملوں کے علاوہ‘ یہ بات وزیر اعلیٰ پنجاب کے معاون خصوصی راؤ طاہر مشرف نے مسلم لیگ ن کے ورکروں سے اپنی رہائشگاہ پر بات چیت کرتے ہوئے کہی انہوں نے کہا کہ پاکستان پیپلز پارٹی کی حکومت پانچ سال پورے کرنے کو جارہی ہے ان پانچ سالوں میں پاکستان پیپلز پارٹی کی حکومت نے عوام کو فاقوں کے سوا کچھ نہیں دیا اور اب بھی یہ لوگ آئندہ انتخابات میں جیت کے خواب دیکھ رہے ہیں انہوں نے کہا کہ اگر پیپلز پارٹی نے انتخابات کو ملتوی کرنے کی کوشش کی تو عوام سڑکوں پر نکل آئیں گے اور اس کے بھیانک نتائج برآمد ہوسکتے ہیں راؤ طاہر مشرف نے کہا کہ مہنگائی اور بے روزگاری نے عوام کو ذہنی طور پر معذور کردیا ہے جس کی وجہ سے لوگ خود کشیاں کرنے پر مجبور ہیں۔

سرگودھا (عمران گورائیہ) حلقہ این اے 66 سے قومی اسمبلی کے امیدوار جماعت اسلامی کے راہنما ڈاکٹر ارشد شاہد نے سی بلاک سٹیلائٹ ٹاؤن اور 49 ٹیل پر کارنر میٹنگ سے خطاب کرتے ہوئے کہا کہ مہنگائی ‘ بے روزگاری‘ بد امنی نے موجودہ دور کے نوجوانوں کو ذہنی طور پر منتشر کردیا ہے جس وجہ سے وہ ملک و قوم کی فلاح و بہبود میں اپنا کردار موثر انداز سے ادا کرنے میں قاصر ہیں ڈاکٹر ارشد شاہد نے کہا کہ اقتدار کے پجاریوں کے درمیان پاکستانی قوم پس کر رہ گئی ہے ایک طرف حکومت کا پٹرول‘ بجلی‘ گیس سمیت تمام اشیاء کی قیمتوں میں بے تحاشہ اضافہ‘ دوسری طرف پسی ہوئی عوام ہے اب آئندہ انتخابات میں قوم کو فیصلہ کرنا ہوگا کہ کس کے ساتھ ہیں اگر انتخابات کے دوران ووٹ کے استعمال میں قوم نے غلطی کی تو اس کا خمیازہ پھر بھگتنا ہوگا۔

سرگودھا (عمران گورائیہ) سردی کی شدت میں کمی کے ساتھ ہی انڈے کی قیمتوں میں 12 روپے فی درجن کمی کردی گئی 102 روپے فی درجن فروخت ہرنیوالے انڈے 90 روپے درجن میں فروخت ہونے لگے انڈے فروشوں کا کہنا ہے کہ اگر موسم میں خنکی نہ آئی تو انڈے کی قیمتوں میں مزید 10 سے 12 روپے فی درجن کمی ہوسکتی ہے۔

سرگودھا (عمران گورائیہ) آئندہ انتخابات میں سیاسی جماعتوں کے بارے میں 100 افراد سے سروے کیا گیا جن میں سے 32 افراد نے ن لیگ ‘ 24 افراد نے تحریک انصاف‘ 23 افراد نے پیپلز پارٹی‘ 10 افراد نے جماعت اسلامی‘ ایک شخص نے ایم کیو ایم‘ 3 افراد نے مختلف مذہبی جماعتوں جبکہ 7 افراد نے آزاد امیدواروں کے حق میں فیصلہ دیا اس سروے میں ن لیگ 32 فیصد ووٹ کے ساتھ عوامی سروے میں سر فہرست ہے تحریک انصاف دوسرے جبکہ پیپلز پارٹی تیسرے نمبر پر چلی گئی ہے‘ جماعت اسلامی 10 فیصد ووٹوں کے ساتھ چوتھے نمبر پر ہے باقی مذہبی آزاد اور ایم کیو ایم کی پنجاب میں کوئی خاص پوزیشن نہ ہے۔

سرگودھا (عمران گورائیہ) تحصیل سلانوالی اور اس کے 20 دیہاتوں کو 80 کروڑ روپے کی لاگت سے گیس کی فراہمی کی افتتاحی تقریب 4 فروری کو شاہین آباد کے مقام پر منعقد ہوگی جس کے مہمان خصوصی وفاقی وزیر پیداوار چوہدری انور علی چیمہ ہونگے محکمہ سوئی گیس کے مطابق 80 کروڑ روپے کی لاگت سے وفاقی وزیر پیداوار چوہدری انور علی چیمہ نے اپنے حلقہ کے علاقے سلانوالی‘ چک 120‘ 121‘122‘ 126‘ 115شمالی‘ 129‘127‘ 125‘ 124‘ 123‘ 117‘ 118‘ 122‘ 121‘ 138‘ 140‘ 130‘ 131جنوبی کے علاوہ شاہین آباد کو گیس کی سہولت میسر آئے گی حکومت نے 80 کروڑ روپے کے فنڈ جاری کردیئے ہیں جس سے ان علاقوں کو گیس فراہم کی جائیگی۔

سرگودھا (عمران گورائیہ) ڈسٹرکٹ اینڈ سیشن جج سرگودھا نے چک 84 جنوبی کے رہائشی چوہدری محمد اکرم کی اراضی پر قبضہ کرنے اور پولیس کی جانب سے کسی قسم کی کاروائی نہ کرنے پر SHO تھانہ بھاگٹانوالہ‘ ذوالفقار بھٹی سکنہ 49 ٹیل‘ شیراز بوٹا‘ ٹھیکیدار پرویز اور چار نامعلوم ملزمان کے خلاف مقدمہ درج کرنے کا حکم دیتے ہوئے ہدایت جاری کی ہے کہ فوری طور پر ان افراد کیخلاف مقدمہ درج کیا جائے ‘ چوہدری محمد اکرم نے اپنی درخواست میں لکھا کہ چک 84 جنوبی میں اس کی ملکیتی اراضی جوکہ میرے بیٹے ڈاکٹر نوید اکرم مرحوم کے نام تھی پر ان افراد نے زبردستی قبضہ کیا ہماری اراضی سے بانس وغیرہ کاٹ لئے جبکہ دیواریں پھلانگ کے اندر داخل ہوگئے اور تالے وغیرہ توڑ دیئے متعدد بار تھانے درخواست دی مگر ہماری شنوائی نہ ہوئی جس پر ڈسٹرکٹ اینڈ سیشن سرگودھا نے مذکورہ ملزمان کیخلاف مقدمہ درج کرنے کے احکامات جاری کردیئے۔

سرگودھا (عمران گورائیہ) مولا بخش ہسپتال کو ڈویژنل گائنی ہسپتال کا درجہ دینے کیلئے حکومت پنجاب کو محکمہ صحت نے درخواست دی ہے جس میں کہا گیا ہے کہ سرگودھا ڈویژن کے اضلاع خوشاب‘ میانوالی‘ بھکر اور منڈی بہاؤالدین وغیرہ کیلئے سرگودھا میں واحد گائنی ہسپتال ہے جہاں پر مریضوں کا رش بے پناہ ہوتا ہے اور یہاں پر بیڈز کی کمی ہے لہذا مولا بخش ہسپتال کو ڈویژنل گائنی ہسپتال کا درجہ دینے کے علاوہ ہسپتال میں 250 بیڈز پر مشتمل نئی بلڈنگ تعمیر کرنے کیلئے فنڈز دیئے جائیں اور اس کے علاوہ یہانپر کم از کم پانچ مزید گائنی کالوجسٹ ڈاکٹرز تعینات کئے جائیں تاکہ مریضوں کو بہتر سہولیات میسر آسکیں یادرہے کہ حکومت نے ڈویژنل ٹیچنگ ہسپتال کی توسیع کا کام شروع کررکھا ہے جب کہ پرانی بلڈنگ کو گرا کر نئی بلڈنگ کی تعمیر کیلئے بھی فنڈز آچکے ہیں جس میں سے ضلعی محکمہ صحت نے کچھ فنڈز مولا بخش ہسپتال میں نئی بلڈنگ تعمیر کرنے کیلئے مختص کرنے کی بھی سفارش کی ہے۔

سرگودھا (عمران گورائیہ) ملک کی تمام صنعتوں کو ایک سوچی سمجھی سازش کے ذریعے بحران میں مبتلا کرکے لاکھوں مزدوروں کو بے روزگاری کی دلدل میں دھکیلا جارہا ہے توانائی بحران سے نمٹنے کیلئے ڈنگ ٹپاؤ پالیسی اپنائی جارہی ہے جس سے مزدور طبقہ روز بروز بے روزگاری کی دلدل میں دھنستا جارہا ہے ان خیالات کا اظہار کمیونسٹ پارٹی کے مرکزی جنرل سیکرٹری کامریڈ امداد قاضی نے سرگودھا میں پریس کانفرنس سے خطاب کرتے ہوئے کیا انہوں نے کہا کہ چھوٹے کاشتکار ذہنی غربت سے نکل کر مڈل مین کے کردار کو ختم کرنے کیلئے جدوجہد کریں اور اجناس کی قیمتوں کیلئے صوبائی حکومت پر دباؤ بڑھائی تاکہ اپنے اخراجات کو نکال کر دوسری فصلوں کیلئے ادویات کھاد‘ بیج وغیرہ باآسانی خرید سکیں انہوں نے کہا کہ شوگر مل مالکان کنڈا مافیا اور آڑھتی کی لوٹمار سے بچنے کیلئے کاشتکاروں کو خود اپنا لائحہ عمل تیار کرنا ہوگا انہوں نے حلقہ این اے 65 کے علاقے للیانی‘ نصیر پور میں خواتین کے ووٹ نہ ڈالنے کے پنچائتی فیصلے کی جانب الیکشن کمیشن کی توجہ مبذول کرواتے ہوئے خواتین کو ان کا حق دلوانے کا مطالبہ کیا انہوں نے کہا جمہوریت کی بقاء محنت کش طبقے اور خواتین کے حقوق کیلئے کمیونسٹ پارٹی اپنی جدوجہد جاری رکھے گی۔

Tuesday, January 22, 2013

sargodha news


سرگودھا( شرافت حسین )ایڈیشنل ڈسٹرکٹ کلکٹر سرگودھا نذر عباس بلوچ نے کہا ہے کہ عید میلادالنبی کے موقع پر شرپسند عناصرکو پمفلٹ اور وال ہینڈبل تقسیم کرنے ‘ وال چاکنگ کرنے اورفرقہ واریت کے ذریعہ انتشار پھیلانے کی ہر گز اجازت نہیں دی جائے گی ۔میلادالنبی کے جلوسوں کی کڑی نگرانی اور رستوں پر مکمل سیکورٹی انتظام کئے جائیں گے۔ان خیالات کا اظہار انہوں نے عید میلادالنبیؐ کے سلسلہ میں سیکورٹی پلان اور دیگر انتظامات کاجائزہ لینے کے سلسلہ میں اجلاس کی صدارت کرتے ہوئے کیا ۔ اجلاس میں تمام تحصیلوں کے اسسٹنٹ کمشنروں ، تحصیل میونسپل افسران کے علاوہ ضلعی صدر میلاد کمیٹی خالد اقبال مسرت ، تحصیل میلاد کمیٹیوں کے عہدیداران، باؤ جہانگیر ، شیر محمد گوندل ،ڈی ایس پی ٹریفک مرید عباس شیخ ، سول ڈیفنس آفیسرظفر بھٹی و دیگر متعلقہ افسران نے شرکت کی۔نذر عباس بلوچ نے کہا کہ ضلعی و تحصیل سطح پر کنٹرول روم قائم کر دئیے گئے ہیں ۔جبکہ پولیس ڈیپارٹمنٹ کے زیر اہتمام تمام ایس ڈی پی او زکے دفاتر میں بھی کنٹرول رومز نے کام شروع کردیا ہے۔انہوں نے کہا کہ ولادت رسول ہر مکتبہ فکر کیلئے باعث مسرت ہے۔اور تمام مسلمان اس خوشی میں یکساں طور پر شرکت کرتے ہیں ۔ انداز مختلف ہو سکتے ہیں لیکن حب رسول سب کیلئے اولین ہے۔ انہوں نے فیسکو حکام کو ہدایت کی ہے کہ ضلع بھر میں 12ربیع الاول کے روز لوڈشیڈنگ نہ کی جائے ۔ جبکہ جلوسوں کے ساتھ فیسکو اہلکار ، شہری دفاع کے رضا کار ، بم ڈسپوزل سکواڈ تعینات ہونگے تاکہ کسی ہنگامی صورتحال سے نمٹا جاسکے ۔ انہوں نے تمام تحصیل افسران سے کہا کہ وہ معذور ، یتیموں ، بیواؤں اور بے سہارا افراد کے اداروں ،جیلوں میں قیدیوں میں مٹھائیاں تقسیم کرانے کے انتظام کریں۔ انہوں نے ٹی ایم اوز کو ہدایت کی کہ جلوسوں کے رستوں پر چھڑکاؤ،صفائی اور رستوں پر مرمت کے کام کو بر وقت مکمل کیاجائے ۔ انہوں نے کہا کہ جلوسوں کی انتظامیہ لاؤڈ سپیکر کے غلط استعمال کو روکے تاکہ شرپسند ی سے محفوظ رہاجاسکے ۔ انہوں نے بتایا کہ ضلعی کنٹرول روم میں فون نمبر 048-9230255 جبکہ پولیس کنٹرول روم میں 048-9230335-36 کام کریں گے ۔
سرگودھا( شرافت حسین )کمشنر سرگودہا ڈویژن شوکت علی نے کہا ہے کہ ادب اظہار رائے کاذریعہ ہے ۔ زندگی کے جذبات کی ترجمانی ادب کرتا ہے ۔ ادب نے جمہوریت کو فروغ دیاہے ۔ جمہوری اقدار انقلابی شعراکرام کے حسن تخیل سے پروان چڑھتی ہے ۔ زبان سے جذبات کا اظہار ہوتاہے ۔ زندگی کے معاملات کاحل شاعری ونثر کے سانچے میں ڈھل جاتاہے ۔ انہوں نے ان خیالات کا اظہار گورنمنٹ انبالہ مسلم کالج سرگودہا میں پاکستان ادب اکادمی اور بزم ادب کے زیراہتمام سیمینار ’’ ادب اور جمہوریت ‘‘ سے خطاب کرتے ہوئے کیا۔ اس موقع پر پروفیسر طاہر رحیم خان ‘ ڈاکٹر ہارون الرشید تبسم ‘ ذوالفقار احسن ‘ سید مرتضی حسن ‘ شاکر کنڈان ‘ عظمیٰ سلیم‘ منزہ احتشام گوئندی ‘ اخلاق عاطف ‘ محمد جمیل گھٹوالہ ‘ آصف راز ‘ ممتاز عارف ‘ شاکر نظامی ‘ پروفیسر سرفراز احمد چٹھہ اور دیگر نے بھی خطاب کیا۔کمشنر شوکت علی نے مزید کہا کہ پاکستان کے قیام کے وقت ادب کاجائزہ لیں تو تمام اصناف ادب میں اس ظلم وستم کا پتہ چلتاہے جن سے گز ر کر ہم نے آزادی کی دہلیز پر قدم رکھا ۔ حالات کے تناظر میں ادب بھی بہت متاثر ہو تاہے ۔آج ہم حقوق مانگتے ہیں ۔ فرض ادا کرنے میں کوتاہی کرتے ہیں۔ وہ ادب زیادہ مقبول ہوتاہے جو عوامی مسائل کی نشاندہی کرے ۔ وقت کے ساتھ ساتھ ادب کا دائرہ وسیع ہوتا چلاجاتاہے۔شوکت علی نے مزید کہا کہ ادب جمہوریت کے ساتھ ہی نہیں بلکہ مزاحمتی ادب تو ہر دور میں پروان چڑھتا رہتا ہے ۔ شعروسخن اظہار رائے کا ذریعہ ہے ۔ ادب زندگی کو تمثیل عطاکرتاہے ۔ ادب اظہار رائے کا ذریعہ ہے ۔ بہترین ادب وہ ہے جو اپنے دور کی عکاسی کرتا ہو۔ڈاکٹر ہارون الرشید تبسم نے کہا کہ جمہوریت ایک پھول ہے جو انصاف ومساوات کے پودے پر کھلتا ہے ۔ جب حق وصداقت کی آواز دبائی جاتی ہے تو مزاحمتی ادب پروان چڑھتاہے ۔ اہل قلم نے انقلاب کے لئے ہمیشہ تاریخی کردار ادا کیا ۔ متاع لوح وقلم چھن بھی گئی تو انہوں نے خون جگر میں انگلیاں ڈوبو کر حق کا پرچار کیا ۔ڈاکٹر عظمیٰ سلیم نے کہاکہ معاشرتی ناہمواریوں کی وجہ سے ادب بہت متاثر ہوتاہے ۔ پابندیوں کے خلاف جو ادب تخلیق ہوتاہے وہ معاشرے کو راستہ دکھاتا ہے ۔ ادب اور جمہوریت کو ہم آہنگ ہونا چاہیے۔ طلبا کو ادب میں دلچسپی کامظاہرہ کرنا چاہیے۔پروفیسر منزہ احتشام گوئندی نے کہاکہ جمہوریت ہی ہمارے مسائل کا حل ہے ۔ تحریر وتقریرکی آزادی جمہوریت کا اولین اصول ہے ۔ شاکر کنڈان نے کہاکہ جمہوریت جب تک تہذیب کے دائرے میں رہے وہ جمہوریت رہتی ہے ۔ ادب جب تک ادب کے دائرے میں رہتاہے وہ ادب ہو تاہے ۔ لہذا جمہوریت او رادب کو تہذیب کے دائرے میں رہنا چاہیے۔ ممتاز عارف نے کہا کہ معاشرتی گھٹن سے تخلیق کا ر بہت متاثرہوتاہے ۔ جمہوریت کا مطلب حسن تخلیق کی آزادی ہے ۔ پروفیسر طاہر رحیم خان نے کہاکہ طالب علموں کو ادب او رجمہوریت کے بارے میں آگاہ کرنا اساتذہ کا فرض ہے ۔ کتب کے مطالعہ سے ادب او رزندگی کا پتہ چلتا ہے ۔ موجودہ دور میں جمہوریت کے فروغ کیلئے اہل قلم کو اپنا کردار ادا کرنا چاہیے۔
سرگودھا( شرافت حسین )ضلعی انسداد پولیو کمیٹی کا اجلاس 26 جنوری کو دن دس بجے ڈی سی او آفس کے کمیٹی روم میں منعقد ہو گا ۔ اجلاس کی صدارت ڈی سی او سرگودہا عظمت محمود کریں گے ۔

bise sargodha


سرگودہا ( شرافت حسین ) ڈائریکٹر اینٹی کرپشن سرگودہا بابر امان بابر نے مختلف شکایات پر چار مقدمات کی انکوائری اے ڈی سی سیکنڈ کے سپرد کر دی ہے جبکہ محمد امیر پٹواری محکمہ ریونیو میانوالی کو پندرہ ہزار روپے رشوت لیتے ہوئے سرکل آفیسر اینٹی کرپشن میانوالی نے ریڈ کر کے رنگے ہاتھوں گرفتار کر لیاہے ۔ تفصیلات کے مطابق ڈائریکٹر اینٹی کرپشن نے کانسٹیبل پنجاب پولیس لاہور محمد اکرم کو تبادلہ کے سلسلہ میں 62 ہزار روپے رشوت لینے ‘ محمد ممتاز خان پٹواری حلقہ موضع کنڈل تحصیل عیسیٰ خیل کو ایک لاکھ روپے رشوت لینے ‘ ای ڈی او ایجوکیشن میانوالی کو کرپشن اور رشوت کے الزام اور قیصر خان ولد عصمت اللہ خان میانوالی افسران واہلکاران محکمہ مال کو جعلی دستخط کر کے مختار نامہ تیار کرکے رقبہ کسی او رکو فروخت کرنے کے الزام میں انکوائری اے ڈی سی سیکنڈ کے سپرد کر دی ہیں۔
سرگودہا ( شرافت حسین ) سیکرٹری بورڈ آف انٹر میڈیٹ اینڈ سکینڈری ایجوکیشن سرگودہا نے بتایا ہے کہ انٹر میڈیٹ ضمنی امتحان چھ نومبر 2012 کو شروع ہوا تھا اس کے نتائج کا اعلان کر دیاگیا ہے ۔ جس میں 8483 امیدواران شامل ہوئے جن میں سے 2791 امیدواران کامیاب ہوئے ۔ نتیجہ کا تناسب 32.90 فیصد ہے ۔ گزٹ سی ۔ڈی کی قیمت تین سو روپے جو کہ یو بی ایل کی مجاز برانچ میں جمع کروا کر یونائیٹڈبینک کورٹ روڈ سے مقرر تاریخ؍ وقت پر حاصل کی جاسکتی ہے ۔ تمام ریگولر امیدواران کا نتیجہ ان کے متعلقہ کالجز میں جبکہ پرائیویٹ امیدواران کانتیجہ ان کے دےئے گئے پتہ جات پر بذریعہ ڈاک ارسال کیا جارہاہے ۔ تاہم عوام الناس کی سہولت کے پیش نظر بورڈ ہذا کی ویب سائٹ www.bisesargodha.edu.pk پر بھی شائع کیاجاچکاہے۔
سرگودہا ( شرافت حسین ) سیکرٹری بورڈ آف انٹر میڈیٹ اینڈ سکینڈری ایجوکیشن سرگودہا نے بتایا ہے کہ انٹر میڈیٹ سالانہ امتحان چار مئی 2013 بروز ہفتہ سے شروع ہوگا ۔ امیدوار بورڈ ہذا کی ویب سائیٹ www.bisesargodha.edu.pk پر آن لائن ایڈمشن فارم ڈاؤن لوڈ کر سکتے ہیں ۔ جس کی مجوزہ داخلہ فیس یونائیٹڈ بینک میں جمع کروانا ہو گی ۔ پرائیویٹ امیدواران مینول داخلہ فارم مکمل کر کے اپنے نزدیکی سہولیاتی مراکز پر جا کر آن لائن کوائف ارسال کروائیں گے ۔ سہولیاتی مراکز پرائیویٹ ؍ریگولر امیدواران کے مینول داخلہ فارم بمعہ آن لائن ارسال کردہ کوائف پر مشتمل computerized Printed form مع فیس دفتر ہذا واقع 49 ٹیل سرگودہا میں مندرجہ ذیل تواریخ کے دوران جمع کروانے کے پابند ہوں گے ۔شیڈول کے مطابق بغیر لیٹ فیس داخلہ فارم وفیس وصول کرنے کی تاریخ 21 جنوری تا 4 فروری 2013 ہے ۔ دوگنا فیس کے ساتھ داخلہ فارم وفیس وصول کرنے کی تاریخ پانچ فروری تا گیارہ فروری 2013 ہے جبکہ تین گنا فیس کے ساتھ داخلہ فارم وفیس وصول کرنے کی تاریخ بارہ فروری تا اٹھارہ فروری مقرر کی گئی ہے ۔ 

Monday, January 7, 2013

بھیرہ اور گردنواح میں دھندکا دورانیہ 18سے 20گھنٹوں تک پہنچ گیا


بھیرہ (شاہد مقبول ملک )بھیرہ اور گردنواح میں دھندکا دورانیہ 18سے 20گھنٹوں تک پہنچ گیا شدید سردی میں گیس کی لوڈشیڈنگ نے جہاں خواتین کو کھانے بنا نے کے مسائل سے دو چار کر دیاہے وہیں کاروباری سر گرمیاں ٹھپ ہو کر رہ گئیں دوکاندار سارا دن آگ جلا ئے بازاروں کو دھواں دھار کر کے بیٹھے رہتے ہیں علاقہ میں سردی نے سیاسی سرگرمیوں کو بھی ٹھنڈا کر دیا ہے مساجد میں بھی لوگ اپنے گناہوں اورسردی کی شدت میں کمی کی دعائیں مانگنے لگے بچے ،نوجوان ۔بڑے بوڑھوں کے سردی نے دانت بجا دےئے ہر کو ئی چادر وں میں لپیٹنے پر مجبور ہو گیا سردی کی ستائی عوام گیس کی بندش کی وجہ سے لکڑیاں جانے پر مجبورہو گئے ہیں اور دھوئیں سے آنکھیں ملتے عوام حکومت کی غلط پالیسویں اور گیس انتظامیہ کو کوسنے دینے پر مجبور ہیں طلباء و طالبات سمیت تاجروں اور سماجی راہنما ؤں نے سوئی گیس کے ذمہ دار حکام سے مطالبہ کیا ہے کہ سوئی گیس کے پریشرکوپورا کرے جس سے کم سے کم کھانا تو پکایا جاسکے ۔

سلانوالی ( سرگودھا


سلانوالی (تحصیل رپورٹر) سرگودھا احاطہ عدالت میں مخالفین کی فائرنگ سے قتل ہونے والی سلانوالی کی معروف شخصیت غلام محمد عرف گاماں کلیار کے مقدمہ قتل کے بااثر ملزمان کی عدم گرفتاری پر ورثا کا پولیس حکام کے خلاف احتجاج پولیس حکام پر سیاسی پر یشر اور پیسے کی چمک کی خاطر زیر حراست ملزمان کو چھوڑنے کا الزام سفاک قاتل مدعی مقدمہ و دیگر ورثا کو مقدمہ کی پیروی سے بازرہنے کیلئے سنگین نتائج کی دھمکیان دے رہاہے اور مدعی مقدمہ اور ورثا عدم تحفظ کی وجہ سے مقدمہ کی پیروی کرنے سے قاصرہیں وزیر اعلی پنجاب بااثر ملزمان کی فوری گرفتاری اور متاثرہ خاندان کو تحفظ فراہم کریں مقتول کے ورثا کا مطالبہ تفصیلات کے مطابق علاقہ سلانوالی کے نواحی چک نمبر 151شمالی کی معروف شخصیت رائے غلام محمد المعروف گاماں کلیار مورخہ 16/11/2012کوایک مقدمہ کی پیشی پر ایڈیشنل سیشن جج سرگودھا کی عدالت میں اپنے بھائی و دیگر ساتھیوں کے ہمراہ پیش ہوا جہاں پہلے سے موجود ان کے مخالفین نے کمرہ عدالت ہی میں فائرنگ شروع کردی جس سے غلام محمد گاماں کلیار موقع پر جاں بحق ہوگئے جبکہ ان کے بھائی محمداکرم کلیار گولی لگنے سے شدید زخمی ہوگیاتھا مضروب محمد اکرم نے ساتھیوں کی مد د سے ایک حملہ آور کالے خان نامی شخص کو قابو کرکے عدالت کے سیکورٹی گارڈ کے حوالہ کیاجبکہ دیگر حملہ آور جائے وقوعہ سے فرارہونے میں کامیاب ہوگئے تھے تھانہ کینٹ پولیس نے مقتول غلام محمدعرف گاماں کلیارکے بھائی اکرم کلیار کی مدعیت میں5نامزد افراد جن میں شبر بھٹی ، فیصل بھٹی ، شوکت بھٹی، دانش بھٹی ، کالے خان اور 2نامعلوم افراد کے خلاف زیر دفعہ 302کے تحت مقدمہ درج کرلیا تھا مدعی مقدمہ محمد اکرم کلیار اور مقتول کے دیگر ورثا نے پولیس حکام پر الزام عائد کیاہے کہ سرگودھا پولیس جانبداری کا مظاہرہ کررہی ہے اور پولیس نے نامزدملزمان کو حراست میں لیاتھا لیکن سیاسی پر یشر اور پیسے کی چمک کی خاطر کالے خان کے علاوہ تمام زیر حراست ملزمان کو چھوڑدیا جو آج کھلے عام دندناتے پھررہے ہیں اورمدعی مقدمہ سمیت مقتول کے دیگر ورثا ن کو سنگین نتائج کی دھمکیاں دے رہیں ہیں اور ورثا عدم تحفظ کی بناپر کیس کی پیروی کرنے سے قاصر ہیں اور پولیس انہیں کوئی تحفظ فراہم نہیں کررہی انہوں نے وزیر اعلی پنجاب میاں شہباز شریف سے مطالبہ کیاہے کہ وہ بااثر ملزمان کی گرفتار ی کو یقینی بنانے اور مقتول کے ورثاکو تحفظ فراہم کرنے کے سلسلہ میں خصوصی اقدام کریں ۔
خبر بمع سیٹ سیٹ 01
سلانوالی (تحصیل رپورٹر) سلانوالی اورگردنواح میں بجلی کی بدترین لوڈ شیڈنگ سے معمولات زندگی مفلوج 18گھنٹوں کی لوڈ شیڈنگ نے عوام کوذہنی مریض بنادیا ہینڈی کرافٹ انڈسٹری سے وابستہ یومیہ اجرت پر کام کرنے والے ہزاروں ہنرمندوں کے گھر وں کے چولے ٹھنڈے پڑگئے فاقوں کے شکارہنرمندوں کی حکمرانوں کو بددعائیں سماجی حلقوں کا لوڈشیڈنگ کا دورانیہ کم کرنے کا مطالبہ تفصیلات کے مطابق سلانوالی اورگردونواح میں بجلی کی بدترین لوڈ شیڈنگ کا سلسلہ جاری ہے اور شہر ی علاقوں میں 18جبکہ دیہی علاقوں میں 22گھنٹوں کی بجلی کی لوڈشیڈنگ سے معمولات زندگی مفلوج ہوکررہ گئی ہے اوربدترین لوڈشیڈنگ نے عوام کوذہنی مریض بنادیاہے سلانوالی میں ایشیا کی سب سے بڑی ہینڈی کرافٹ انڈسٹری اورایشیاکی سب سے بڑی سٹون کریشنگ انڈسٹری قائم ہے جس سے لگ بھگ30ہزارسے زائد یومیہ اجرت پرکام کرنے والے ہندمنداورمزدوروابستہ ہیں شدیدلوڈشیڈنگ سے ہزاروں مزدوروں کے گھر وں کے چولہے ٹھنڈے پڑگئے ہیں اورنوبت فاقوں تک آگئی ہے اورفاقوں کے شکارمزدورحکمرانوں کو بددعائیں دے رہے ہیں جبکہ سلانوالی کے سماجی حلقوں نے حکومت سے مطالبہ کیاہے کہ وہ لوڈ شیڈنگ کے دورانیہ میں کمی کرکے ہزاروں ہنرمندوں اورمزدوروں کو بے روز گار ہونے سے بچائیں ۔

سلانوالی (تحصیل رپورٹر) سلانوالی کی معروف سیاسی شخصیت اور بلدیہ سلانوالی کے سابق چیرمین حاجی شیخ عبدالجباراور ملک غلام رسول بھوٹھہ حرکت قلب بند ہونے سے انتقال کرگئے جنہیں سینکڑوں سوگواروں کی موجودگی میں سلانوالی کے مرکزی قبرستان میں سپردخاک کردیاگیا نماز جنازہ مدنی پارک میں اداکی گئی جسمیں درجنوں سیاسی وسماجی شخصیات اورسینکڑوں افراد شریک ہوئے سابق صوبائی وزیر چوہدری فرخ جاوید گھمن ، سابق ایم پی اے چوہدری فیصل فاروق چیمہ ، حلقہ پی پی 36سے امیدواربرائے صوبائی اسمبلی چوہدری فیصل جاوید گھمن ،پریس کلب سلانوالی کے صدر محمد اطہر ،سینئر نائب صدرحاجی ملک محمد ارشد کھوکھر نے مرحوم کی وفات پر دلی افسوس کا اظہارکرتے ہوئے دعاکی کہ اﷲتعالی مرحوم کو جواررحمت میں جگہ عطافرمائے اورپسماندگان کو صبرجمیل عطافرمائے ۔

سلانوالی (تحصیل رپورٹر) فوڈانسپکٹر حافظ عبدالرحمن لقمان کے ہاں بیٹے کی پیدائش دوست احباب کے جانب سے مبارکباد تفصیلات کے مطابق جے یو آئی سرگودھا کے سالار پیرجی محمد افضل الحسینی ، سابق نائب ناظم ملک محمد اسلم کھوکھر، پریس کلب سلانوالی کے صدر محمد اطہرچوہدری ، سینئر نائب صدر ملک محمد ارشد کھوکھر ، نائب صدر سید کامران شاہ ، جنرل سیکرٹری طارق محمود مرزا ایڈیشنل سیکرٹری مہر سردار احمد سپراء ، جوائنٹ سیکرٹری علی اطہر چوہدری، سیکرٹری انفارمیشن ملک ایم ندیم اور آفس سیکرٹری محمد فیضان طاہر نے فوڈانسپکٹر حافظ عبدالرحمان لقمان کو بیٹے کی پیدئش پر مبارکباد دیتے ہوئے نیک تمناؤں کااظہارکیا ہے ۔

SARGODHA NEWS


سرگودھا(بیورورپورٹ) سرگودھاسمیت ملک بھرکے مختلف شہروں میں گھریلوصارفین کیلئے گیس کی مکمل بندش نے لوگوں کے دماغ گرم کردیئے۔ بجلی کی لوڈشیڈنگ اور گیس کی مسلسل18 اٹھارہ گھنٹے بندش کے باعث لوگوں کی بڑی تعداد حکومت کے خلاف طاہرالقادر ی کے لانگ مارچ کیلئے تیار ہوچکی ہے۔ لوگوں کا کہنا ہے کہ گیس، بجلی، مہنگائی نے عوام سے روٹی ، کپڑا اور مکان چھین لیا ہے اب حکومت کیخلاف لانگ مارچ ہی ان حکمرانوں سے نجات کاذریعہ ہے۔ روزروز سسک سسک کر مرنے سے بہتر ہے کہ قوم کیلئے لانگ مارچ کرتے ہوئے موت آجائے۔ صبح سویرے بچے بغیر ناشتہ کے سکول، کالجز جانے پرمجبو ر ہیں۔ دوپہر کو گھر واپس آتے ہیں تو گیس نہیں ہوتی۔ دوسری طرف لوگوں نے گیس سلنڈر بھی مہنگے کردیئے ہیں جبکہ دھند اور اوس کے باعث لکڑیاں گیلی ہیں اور کوئلے کی قیمت بھی آسمان کوچھورہی ہے۔ ان حالات میں حکومت کے خلاف لانگ مارچ ہی ان نجات کاحل ہے۔ زرداری کے بعد بلاول بھٹو کی سیاست میں آمد کے چرچے ہیں۔ مگر پیپلزپارٹی کی حکومت نے قوم کو جو کچھ پانچ سال کے اندر دیا ہے ان حالات میں قوم زرداری کے بیٹے کو نہ پسند کرنے لگے ہیں لوگوں کی اکثریت کا کہنا ہے جیسا باپ ویسا بیٹا پوری قوم توانائی کے بحران کے باعث ذہنی طور پر مفلوج ہوکر رہ گئی ہے۔ لوگوں کاکہنا ہے کہ اب اس حکومت کا جانا ہی عوام کے حق میں بہتر ہے۔

سرگودھا(بیورورپورٹ) سرگودھا کے شہری 7 روز گزر جانے کے بعد بھی2013 کے سورج کو نہ دیکھ سکے اور گزشتہ 7 دن کے دوران 2013 کے سورج کی کرنیں سرگودھا کی سرزمین پر نہیں پڑ سکی شدید دھند اور بادلوں کے باعث سورج نہ نکل سکا۔ اس طرح سرگودھا کے شہری سات دن گزرنے کے باوجود بھی سورج کا دیدار نہ کرسکے۔

سرگودھا(بیورورپورٹ) وزارت پیداوار حکومت پاکستان کی جانب سے سرگودھا میں قائم ہونیوالے جیمز اینڈ جیولری ٹریننگ اینڈ مینوفیکچرنگ سنٹر کاافتتاح آج وفاقی وزیر پیداوار چوہدری انور علی چیمہ کرینگے۔ یہ بات جیمز اینڈ جیولری ڈویلپمنٹ کمپنی کے ڈائریکٹرمیاں عبدالجبار نے صحافیوں کو بتائی انہوں نے بتایا کہ سرگودھا میں جیمز اینڈ جیولری کا یہ سنٹر ملک کادوسرا بڑا سنٹر ہوگا جہاں پر سرگودھا، خوشاب، میانوالی، بھکر، جھنگ، فیصل آباد، چنیوٹ، منڈی بہاؤالدین، حافظ آباد اور دیگراضلاع کے لوگ استفادہ کرینگے۔

سرگودھا(بیورورپورٹ) طاہر القادری کے لانگ مارچ کیلئے تیاریوں کا سلسلہ عروج پر پہنچ گیا ہے۔ تحریک منہاج القرآن کے عہدیداران اور کارکنان14 جنوری کو ہونیوالے لانگ مارچ کیلئے شہر بھر میں شہریوں کو اسلام آباد لے جانے کیلئے تیار کررہے ہیں جبکہ مختلف مساجد میں بھی لانگ مارچ کیلئے نمازیوں کو راغب کرنے کیلئے علماء کرام اہم کردار ادا کررہے ہیں۔

سرگودھا(بیورورپورٹ) یونیورسٹی روڈ اور تھانہ عطاء شہید کے علاقہ میں دو مختلف وارداتوں میں نامعلوم افراد ایک شخص سے موٹرسائیکل اور نقدی لے اڑے اسی طرح یونیورسٹی روڈ پر واقع جنرل سٹور سے تین افراد ہزاروں روپے کی نقدی لے اڑے۔

سرگودھا(بیورورپورٹ) سرگودھا کی مختلف صحافتی تنظیموں نے سرگودھا پریس کلب کے صدر نعیم اختر، جنرل سیکرٹری رانا ساجد اقبال سمیت تمام کابینہ پر اعتماد کا اظہار کرتے ہوئے کہا ہے کہ سرگودھا پریس کلب ورکرز صحافیوں کا نمائندہ ادارہ ہے اور اس میں صحافتی مفاد کے برعکس کام کرنیوالے نام نہاد صحافیوں کی کوئی گنجائش نہیں ہے۔ ان خیالات کااظہار مختلف صحافتی تنظیموں سے تعلق رکھنے والے عبدالصمدشاہین، طارق اعوان، خالد بھٹی، محمد ارشد محمود ارشی، محمد عمران گورائیہ اور دیگر نے اپنے مشترکہ بیان میں کیا انہوں نے کہا کہ گزشتہ سالوں کی نسبت اب سرگودھا کے صحافیوں کیلئے پریس کلب کے دروازے کھلے ہیں۔ یہاں پر اب سازشیں نہیں ہوتی ہیں اور نہ ہی کسی کی عزت نفس کو مجروح کیاجاتا ہے۔ قبل ازیں سرگودھا پریس کلب پر قابض لوگ نہ صرف صحافت کا بدنامی کا باعث بن رہے تھے۔ بلکہ لوگوں کو گمراہ کررہے تھے اب تمام صحافی متحد ہیں۔

سرگودھا(بیورورپورٹ) حکمرانوں کی لوٹ مار نے قوم سے روٹی کا آخری نوالہ بھی چھین لیا جمہوریت کی آڑ میں حکمرانوں کی کرپشن نے لوگوں کیلئے بجلی، گیس، پانی، آٹا، چینی، گھی، پٹرول قوم کی پہنچ سے دور کردیا۔ ان خیالات کااظہار قومی اسمبلی حلقہ این اے66 سے جماعت اسلامی کے امیدوار ڈاکٹر ارشد شاہد نے اپنے بیان میں کیا انہوں نے کہا کہ جمہوریت دنیا بھر میں لوگوں کیلئے خوشحالی اور ترقی کا پیغام لاتی ہے۔ پاکستان میں حکمرانوں نے قوم کے منہ سے روٹی کا آخری نوالہ بھی چھین لیا ہے۔ انہوں نے کہا کہ اگر سرگودھا شہر میں فوری طور پر گیس کی فراہمی شروع نہ کی گئی تو سرگودھا کے شہریوں کے ساتھ احتجاج میں ڈاکٹر ارشدشاہد سب سے آگے ہونگے۔ انہوں نے کہا کہ گیس نہ ہونے کے باعث بچے، بچیاں بھوکے سکول جانے پر مجبور ہیں۔ گیس سلنڈر حکمرانوں کی نااہلی کے باعث قوم کی پہنچ سے دور ہوچکا ہے بدقسمتی یہ ہے کہ جمہوریت کے ان علمبرداروں نے ملک میں پیدا ہونیوالی گیس ہی قوم کیلئے نایاب کردی۔ انہوں نے محکمہ سوئی گیس پرواضح کیا کہ اگر فوری طور پر شہریوں کو گیس کی فراہمی شروع نہ کی گی تو حالات کی ذمہ داری موجودہ حکمرانوں یہاں کے حکومتی ارکان اسمبلی اور محکمہ سوئی گیس پر ہوگی۔

سرگودھا(بیورورپورٹ) انجمن تاجران شہر وضلع سرگودھا کے نائب صدر بابا جی گارمنٹس کے ایم ڈی حاجی محمد اختر کی والدہ ماجدہ رضائے الہی سے وفات پاگئی ہیں۔ جنہیں سینکڑوں سوگواروں کی موجودگی میں مقامی قبرستان میں سپردخاک کردیا گیاہے۔ نماز جنازہ میں تاجروں، ارکان اسمبلی کے علاوہ تمام مکاتب فکر کے لوگوں کی کثیر تعداد نے شرکت کی۔ مرحومہ کی روح کے ایصال ثواب کیلئے قرآن خوانی آج صبح نو بجے توحید چوک بلاک14 میں ادا کی جائے گی۔ ان کی وفات پر ارشد محمود ارشی، شفیق الرحمن، چوہدری محمدخالد، شہبازخان سمیت دیگر نے تعزیت کا اظہار کرتے ہوئے کہا ہے کہ اللہ تعالی مرحومہ کو اپنے جواررحمت میں جگہ دے اور پسماندگان کوصبر وجمیل عطاء کرے۔

سرگودھا (بیورو رپورٹ) سرگودھا پریس کلب ورکر صحافیوں کا نمائندہ ادارہ ہے اور اس ادارہ سے وابستہ تمام ممبران صحافیوں کی فلاح و بہبود کیلئے متحد ہیں ان خیالات کا اظہار سرگودھا پریس کلب میں منعقدہ صحافیوں کی تقریب سے خطاب کرتے ہوئے پریس کلب کے صدر نعیم اختر خان‘ جنرل سیکرٹری رانا ساجد اقبال‘ سینئر نائب صدر ملک محمد اصغر‘ نائب صدر شہزاد شیرازی‘ فنانس سیکرٹری شیخ نعیم طاہر‘ سیکرٹری اطلاعات راؤ محمد اسلم فراز‘ جوائنٹ سیکرٹری ظہور احمد شاہد‘ اور سینئر صحافی رانا علیم اختر ‘ شاہین فاروقی سمیت دیگر نے کیا انہوں نے کہا کہ بعض لوگ صحافیوں کی صفوں میں دراڑیں ڈالنے کی کوشش کررہے ہیں انہیں کچھ حاصل نہ ہوگا یہ لوگ نام نہاد لوگ ہیں جن کا صحافت سے دور کا بھی تعلق نہیں یہ لوگ صحافت کی آڑ میں جس طرح کے گھناؤنے کارو بار کررہے ہیں انہیں بے نقاب کیا جائیگا اس موقع پر صحافیوں کی بڑی تعداد نے پریس کلب کے تمام عہدیداران پر اعتماد کا اظہار کیا۔

سرگودھا (بیورو رپورٹ) اشاعت التوحید و السنتہ ربیع الاول کے مہینہ میں سیرت کے پروگرام منعقد کریگی علماء کرام کے ماہانہ اجلاس میں فیصلہ کیا گیا اشاعت توحید و سنت کے علماء کرام کا ماہانہ اجلاس مسجد معاویہ میں منعقد ہوا جس میں فیصلہ ہوا کہ ربیع الاول کے مہینہ میں شہر کی مختلف مساجد میں سیرت النبیؐ کے حوالے سے پروگرام منعقد کریگی جس میں بیرونی علماء کرام اور مقامی علماء خطاب فرمائیں گے اس سلسلہ میں مرکزی پروگرام یکم فروری بروز جمعۃ المبارک میں ہوگا جس میں جماعت کے مرکزی امیر مولانا محمد طیب طاہری اور مولانا احمد شعیب بیان فرمائیں گے اس کے علاوہ اجلاس میں درس قرآن کی ضرورت اور اہمیت پر زور دیا گیا اجلاس میں کثیر تعداد میں علماء کرام شرکت کی۔

سرگودھا (بیورو رپورٹ) قاضی حسین احمد کے انتقال سے ملک ایک مدبر رہنما سے محروم ہوگیا مولانا عطاء اللہ بندیالوی‘ اشاعت توحید و سنت کے علماء کرام کے اجلاس منعقد ہوا جس میں مولانا ضیاء الحق ‘ مولانا قاری عبدالقیوم‘ مولانا عبدالکریم‘ مولانا قاری عصمت اللہ اور دیگر علماء شریک ہوئے اجلاس میں ملک کی معروف علمی اور سیاسی شخصیت قاضی حسین احمد کی وفات پر انتہائی دکھ کا اظہار کیا گیا ان کی وفات سے قوم ایک عظیم مذہبی رہنما سے محروم ہوگئی ان کی شخصیت ملک و قوم کیلئے ایک سرمایہ کی حیثیت رکھتی تھی ان کی قائدانہ صلاحیتوں سے دینی اور سیاسی جماعتوں کے درمیان اتحاد و اتفاق کی فضاء قائم ہوئی اللہ تعالیٰ مرحوم کو جوار رحمت میں جگہ عطاء فرمائے۔

سرگودھا (بیورو رپورٹ) لڑائی کے دو مختلف واقعات میں خاتون سمیت تین افراد شدید زخمی ہوگئے بتایا گیا ہے کہ طارق آباد میں نالی کے تنازعہ پر ساجدہ بی بی کو فہیم ‘ نورین بی بی نے ڈنڈے مار کر مضروب کردیا اسی طرح کوٹمومن کے حاجی افتخار اور نوید کو گالی گلوچ پر سرفراز ‘ ارشد‘ طاہر وغیرہ نے سریوں کے راڈ مار کر لہولہان کردیا جنہیں طبی امداد کیلئے ڈسٹرکٹ ہیڈ کوارٹر ہسپتال سرگودھا منتقل کردیا گیا ہے ڈاکٹروں کے مطابق ان کی حالت خطرے سے باہر بتائی گئی ہے۔

سرگودھا (بیورو رپورٹ) شہری کو نوکری کا جھانسہ دیکر پچاس ہزار روپے ہتھیالئے بتایا گیا ہے کہ بلاک نمبر 29 عامر شہزاد نے محکمہ ہیلتھ میں وارڈ بوائے بھرتی کروانے کیلئے سعید سے پچاس ہزار روپے لئے جو نوکری پر نہ لگوا سکا اور واپسی کے تقاضہ پر اسے سنگین نتائج کی دھمکیاں دیں اور پچاس ہزار روپے خرد برد کرلئے۔

سرگودھا (بیورو رپورٹ) شادی شدہ خاتون کو تین اوباش نوجوانوں نے زناء کی خاطر اغواء کرلیا بتایا گیا ہے کہ معظم آباد کے اللہ دتہ کی بیوی کو نور بخش‘ کاشف حبیب اور نور اسلام نے گھر میں اکیلی پاکر زناء کی خاطر اغواء کرلیا اور نامعلوم مقام پر لے گئے۔

سرگودھا (بیورو رپورٹ) دو نامعلوم مسلح افراد نے موٹر سائیکل سوار کو اسلحہ کے زور پر لِوٹ لیا بتایا گیا ہے کہ معظم آباد کے قریب کوٹمومن کے رہائشی خرم شہزاد سے دو مسلح افراد نے اس کا موٹر سائیکل نمبری 7706 اور موبائل فون چھین لیا اور فرار ہوگئے تھانہ کوٹمومن پولیس نے ملزمان کیخلاف مقدمہ درج کرلیا ہے۔

سرگودھا (بیورو رپورٹ) تیز رفتار ہائی ایس کی ٹکر سے راہگیر جانبحق بتایا گیا ہے کہ 46 اڈا کے قریب تیز رفتار ہائی ایس نمبری 1313 نے سڑک کراس کرنیوالے اٹھارہ سالہ نوجوان مقبول کو بری طرح کھل دیا جس سے وہ شدید زخمی ہوگیا جسے زخمی حالت میں طبی امداد کیلئے ہسپتال لایا گیا جہاں وہ زخموں کی تاب نہ لاتے ہوئے چل بسا۔

سرگودھا (بیورو رپورٹ) پرچی جواء کرانیوالے دو افراد کو پولیس نے اپنی حراست میں لے لیا بتایا گیا ہے کہ کوٹمومن پولیس نے ذوالفقار علی‘ شاہ نواز کو پرچی جواء کرنے کے الزام میں حراست میں لے لیا ہے پولیس نے انہیں گرفتار کرکے ان کے قبضہ سے 12 ہزار روپے نقدی اور دیگر سامان برآمد کرلیا ہے۔

سرگودھا (بیورو رپورٹ) ایس ایس پی سرگودھا ڈاکٹر محمد رضوان کی خصوصی ہدایات پر ضلع بھر کی پولیس نے مختلف مقامات پر چھاپے مار کر متعدد مشکوک افراد کو گرفتار کرلیا ہے اور ان کے قبضہ سے بھاری مقدار میں شراب‘ ہیروئن‘ چرس‘ افیون اور ناجائز اسلحہ برآمد کیا ہے اور ان کیخلاف متعلقہ تھانوں میں الگ الگ مقدمات درج کرلئے ہیں۔

سرگودھا (بیورو رپورٹ) سرگودھا اور گردونواح میں سردی اور دھند کا گزشتہ دس سالہ ریکارڈ ٹوٹ گیا محکمہ موسمیات کے مطابق سردی کی یہ لہر مزید 2 روز تک جاری رہنے کا امکان ہے 2003ء میں بھی شدید سردی اوردھند کی وجہ سے سردی کی شدت میں بے پناہ اضافہ ہوا تھا مگر اس سال پڑنے والی سردی نے گزشتہ سالوں کے تمام ریکارڈ توڑ دیئے سردی کی شدت کے باعث لوگوں کے ہاتھ پاؤں کی سوجنا شروع ہوگئیں جس کی وجہ سے لوگوں کی مشکلات میں اضافہ ہوگیا ہے ڈاکٹروں کا کہنا ہے کہ ہاتھ پاؤں کی انگلیاں سوجنے کی بڑی وجہ سرد گرم پانی کا استعمال ہے جس کے باعث انگلیاں سوج جاتی ہیں کیونکہ خون کی گردش سردی میں کم ہوتی ہے جونہی گرم پانی یا آگ وغیرہ کے قریب جاتے ہیں تو خون کی گردش تیز ہوجاتی ہے جو سوجن کا باعث بنتی ہے۔

سرگودھا (بیورو رپورٹ) پاکستان پیپلز پارٹی کے سیکرٹری اطلاعات چوہدری ارشد ڈھونڈا نے کہا ہے کہ طاہر القادری کا ایجنڈا جمہوریت کی بساط کو لپیٹنا ہے عرصہ دراز سے خود ساختہ جلا وطنی کاٹنے والے شیخ الاسلام کو اچانک ملکی حالات خراب نظر آنے لگے ہیں وہ جمہوریت کو بچانے کی بجائے اس کو ختم کرنے کے در پے ہیں انہیں چاہیئے کہ وہ فوری طور پر اپنا فیصلہ واپس لیں اور حکومت سے مذاکرات کریں عوام کو معلوم ہے کہ انتخابات کا اعلان آئندہ دو ماہ میں ہونیوالا ہے اس لئے وہ کسی لانگ مارچ کا حصہ نہیں بنیں گے۔

سرگودھا (بیورو رپورٹ) ایم ایس ایف کے سینئر نائب صدر خرم شہزاد نے کہا ہے کہ موجودہ وفاقی حکومت اپنے انجام کو پہنچنے والی ہے کیونکہ موجودہ حکمرانوں نے عوام کیلئے ہر چیز کو دور کردیا ہے اب وقت آگیا ہے کہ پوری قوم میاں نواز شریف کے ہاتھ مضبوط کرے اور آئندہ انتخابات میں موجودہ کرپٹ حکمرانوں سے نجات حاصل کرنے کیلئے ن لیگ کو کامیاب کرے۔

سرگودھا (بیورو رپورٹ) پاکستان مسلم لیگ ن کے ڈویژنل کوآرڈی نیٹر چوہدری محسن شاہ نواز رانجھا کی کارکردگی قابل تحسین ہے انہوں نے ڈویژن بھر میں ن لیگ کو متحرک کرنے کیلئے کوئی کسر اٹھا نہیں رکھی ان خیالات کا اظہار سرگودھا کے نواحی علاقے ماڑی لک میں تقریب سے خطاب کرتے ہوئے مہر شیر محمد لک اور دیگر نے کیا مہر شیر محمد لک نے کہا کہ آئندہ انتخابات میں سرگودھا ضلع سے ن لیگ ہی کامیاب ہوگی۔

سرگودھا (بیورو رپورٹ) وکلاء کے حقوق کی جنگ لڑتے رہیں گے سرگودھا میں ہائیکورٹ بینچ کے قیام کیلئے کوئی کسر اٹھا نہیں رکھی جائیگی ان خْیالات کا اظہار وکلاء کے اعزاز میں دیئے گئے ظہرانہ کی تقریب سے خطاب کرتے ہوئے جوائنٹ سیکرٹری کے امیدوار چوہدری شاہد منیر رندھاوا نے کیا انہوں نے کہا کہ اگر وکلاء بھائیوں نے مجھے ووٹ دیئے تو ان کے تعاو ن سے سرگودھا میں ہائیکورٹ کے بینچ کی تحریک کو مزید تیز کرینگے۔